Ostiralean iragarriko dute neurria, Espainiako Gobernuaren Ministro Kontseiluaren ondoren. Hala esan du, behintzat, Homsek, gaur albistea emateko propio antolaturiko prentsaurreko batean. "Itxuraz teknikoa den kontu batean oinarrituta, hau da, espazio erradioelektrikoaren banaketan, CCMAk okupatzen duen espazioa hustu egin behar dela esan digute". CCMA Kataluniako Ikus-entzunezko Hedabideen Korporazioak zortzi kanal erabiltzen ditu gaur, eta lau iazngo lituzke aurrerantzean. TV3k bost kanal ditu gaur.
Homsek esan duenez, erabakiak hiru ondorio izango lituzke: Kataluniako kanalak itxiko lituzkete, definizio handiari uko egin beharko liokete eta bertan behera geratuko litzateke, behin betiko, Generalitateak eta Madrilek berdintasunean negoziatzeko bidea.
