Aurrez aurreko bortitzen ondorioz, bost gerrillari eta hiru polizia hil ziren herenegun Txetxenian. Hegoaldean gertatu ziren istiluak, Vedeno eskualdean. Ramzan Kadirov presidentearen arabera, poliziek hogei gerrillari inguru inguratu zituzten, eta tiroketa izan zen orduan. Gobernuak dio Abu Haled buruzagia dela hildakoetako bat; euren ustez, gerrillariak teknikoki eta psikologikoki prestatzen zituen Haledek. Harekin batera jarduten zuten Mujanad eta Iasir buruzagien atzetik dabiltza orain.
Gobernuak, ordea, ez du esan poliziarik hil denik, baina gerrillarien hitzetan, gutxienez hiru polizia hil eta beste bi zauritu ziren erasoan.
Txetxenian bost gerrillari eta hiru polizia hil dira aurrez aurrekoetan
Gobernuak baieztatu du gerrillarien buruzagi bat hil dutela erasoan, baina ez du esan poliziarik hil denik
Iruzkinak
Ez dago iruzkinik
Ordenatu
