Txilen milaka ikasle atera dira berriz ere kalera

SANTIAGO. Txileko hiriburuan atzo ere milaka eta milaka ikasle atera ziren kalera, hezkuntza sistema hobea eskatzeko. Sebastian Piñeraren gobernuak proposatutako neurri sorta ez dela aski salatu dute ikasleek. Hilabeteko epean hiru proposamen egin dituzte agintariek, baina ikasleek lehentasuna tasak jaistea dela zehaztu dute. Piñerak elkarrizketaren bidea aldarrikatu du: «Bidea ez da indarkeria, harriak eta molotov koktelak jaurtitzea».