Txinak «adostasuna» lortu du Ipar Korearekin

PEKIN. Kim Jong-il Ipar Koreako Estatu burua eta Dai Bingguo Txinako Estatu kontseilaria Piongiangen bildu ziren atzo. Bi herrialdeen arteko harremanak eta Koreako egoera izan zituzten mintzagai, eta Txinak jakinarazi du «adostasun garrantzitsuak» lortu dituztela. Ipar Koreak Yeonpyeong uhartea eraso ondoren, Txinari «presio egiteko» eskatu zioten AEBek, Hego Koreak eta Japoniak.