Yemenen iaz bahitutako adingabeko bi alemaniar neska askatu dituzte

Saudi Arabiako eta Yemengo polizia indarrek adingabeko bi alemaniar neska askatu dituzte gaur bi herrialdeen mugaren inguruan, Saudi Arabiako Gobernuko Barne Ministerioak gaur esan duenez. Bi haurrok iazko ekainean bahitu zituzten Yemenen, beste atzerritar batzuekin batera.

Saada eskualdeko paraje menditsu batean egin dute operazioa. Aipatutako iturriek diote Al Kaedako kideak egoten direla hor.

Gune hartako bizilagunen arabera, operazioa Al Kaedako ustezko hainbat lagun hil dituzte.