Zipren base bat lehertu da, eta hamabi pertsona hil

NIKOSIA. Zipreko Gobernuaren arabera, hamabi lagun hil eta 62 zauritu ziren atzo Limasolko base militar batean izandako leherketa baten eraginez. Duela hiru urte ontzi batetik atera zuten munizioak egin zuen eztanda, eta baztertu egin dute sabotajea izatea. Zipreko Defentsa ministroak eta Guardia Nazionaleko buruzagiak dimisioa eman zuten hori gertatu eta berehala.