Israelgo Gobernuak plan bat prestatu du Zisjordanian 11 tren linea eraikitzeko. 475 kilometroko luzera izango luke tren sareak, Haaretz egunkariaren arabera.
Yisrael Katz Israelgo Garraio ministroaren eskaeraz prestatu dute plana, eta zailtasunei aurre egin beharko die aurrekontuari, legediari eta arlo diplomatikoari dagokionez.
Oraindik ez dute plana garatzeko datarik zehaztu, ezta proiektuaren kostua ere. Israelgo Gobernutik azpimarratu dute plana eskatu zutela "ministerioaren eta Auzitegi Gorenaren arteko akordio baten bidez" burutu dadin.
