Autoritateen esanetan zortzi soldadu estatubatuar eta bost zibil hil zituzten talibanek Afganistan hegoaldean. Bost zibil horietatik hiru itzultzaile afganiarrak ziren eta bi segurtasun zaintzaileak. Uztaileko lehen bi asteetan 45 soldadu atzerritar hil dituzte, horietatik 33 estatubatuarrak.
Bere buruaz beste egin zuen erasotzaileak lehergailuz beteriko autoa leherrarazi zuen Afganistango polizia nazionalaren kuartelaren aurka, Kandaharren. Ondoren, hainbat matxinatuk kuartela erasotu zuten arma automatikoekin eta misil jaurtigailuekin, NATOk komunikatu batean adierazi duenez.
Talibanen bozeramaile lanak egiten dituen Qari Yusef Ahmadik adierazi zuen 13 militar atzerritar eta 8 afganiar hil zituztela.
Asteazkenean beste lau soldadu estatubatuar hil ziren ibilgailuan zihoazela bonba bat lehertu zenean. Bosgarren soldadu bat egun berean hil zen borroketan zauritua izan ondoren.
MUNDUA
Zortzi soldadu estatubatuar hil dituzte Afganistanen
Uztaileko lehen hamabost egun hauetan 45 dira hil dituzten soldatu atzerritarrak, horietatik 33 estatubatuarrak.
Iruzkinak
Ez dago iruzkinik
Ordenatu
