Albistea entzun

Azken 125 urteetako beroena

Ameriketako Estatu Batuetako NOAA erakundeak jakinarazi du 1880tik inoiz ez direla ipar hemisferioan abendua, urtarrila eta otsaila oraingoan bezain beroak izan
Tamaina handiagoan ikusi

ARANTXA IRAOLA -

2007ko martxoak 17

Inoizko beroena izan da negu hau ipar hemisferioan. AEB Ameriketako Estatu Batuetako Ozeano eta Atmosferako Administrazio NOAA erakundeak jakinarazi du abendu, urtarril eta otsaileko tenperaturak batez bestekoarekin alderatuz 1,3 gradu altuagoak izan direla. 1880. urtetik --tenperaturak biltzen hasi zirenetik-- inoiz horrenbesterainoko igoerarik ikusi gabeak ziren ikertzaileak.

Igoera horretan El Niño fenomenoak --Pazifikoko uretan gertatzen da-- zerikusia izan duela nabarmendu dute. Izan ere, jakina da kliman eragina izaten duela, eta fenomenoa gertatzen den urteetan --ez du maiztasun finkorik-- tenperaturek epelera egiten dutela. Hilabeteotako tenperaturen ezohikotasuna ez dute berotegi efektuarekin lotu, ordea. AEBetako agintariek errezelo handiak dituzte giza jarduerak eragindako klima aldaketa onartzeko orduan, eta NOAAk datuei buruz egindako irakurketak ere horren seinale dirudi. Jay Lawrimoren ikertzaileren hitzak horren adibide: «Ezin dugu esan negu hau berotegi efektua eragiten duten gasen ebidentzia denik». Onartu du, hala ere, gas horiek kliman eragina dutela, eta datuok IPCC Klima Aldaketari Buruzko Gobernu Arteko Taldearen ikerketen barruan daudela esan du. Talde honek otsailean Lurraren berotzeaz ohartarazi zuen, giza jarduerek duten eragina ia segurua dela adieraziz.

Izan ere, datuak temosoak dira Baita NOAArenak ere. Argi erakusten dute inoizko hamar urterik beroenak 1995etik honantz gertatu direla. Munduko tenperaturak, oro har, hamarkada bakoitzean 00,6 gradu egin zuen gora iragan gizaldian, baina azken hamarkada honetan prozesua bizkortu egin da. 1976tik hamarkadako 0,18 gradu ari da igortzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Erreskate lanak, Iskenderun.

5.000 dira oraingoz Ekialde Hurbileko seismoetan hildakoak

Arantxa Elizegi Egilegor - Mikel O. Iribar

Gau osoan zehar lanean jarraitu dute erreskate taldeek, baina toki askotan laguntzaren zain daude oraindik. Ohartarazi dute biktima kopurua handitu egingo dela datozen orduetan. Milaka dira kaltetuak, eta 20.000tik gora zaurituak. Erietxeak kolapsatuta daude.

«Herrialdearen historiako lurrikararik okerrena izan da hau»

«Herrialdearen historiako lurrikararik okerrena izan da hau»

Orsola Casagrande

Kurdistanen krisi mahaia eratu du HDP alderdiak, laguntza kudeatu eta kaltetutako eremuetara iristeko. Aterpeak lortzea da orain lehentasuna Sancarrentzat.

Greziako kostazainen ontzi bat, artxiboko irudi batean. ©HELLENIC COAST GUARD / EFE

Gutxienez hiru migratzaile hil eta hogeitik gora desagertu dira Lesbostik gertu

Mikel O. Iribar

Kostazainek hamasei pertsona erreskatatu dituzte. Bizirik atera direnen esanetan, haien ontzia haitzen aurka jo ostean hondoratu da.

Palestinar bat astelehenean Jeriko hirian izandako tiroketen arrastoei begira. ©EFE

Israelgo armadak adin txikiko palestinar bat hil du tiroz

Berria

Gazteak haien kontra tiro egin zuela adierazi dute armadaren iturriek. Urte hasieratik gutxienez 42 palestinar hil ditu Israelek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.