Remigio Mendiburu eskultoreari buruzko erakusketa bat hartuko du Altzuzako (Nafarroa) Jorge Oteiza museoak ekainaren 14tik urriaren 7ra bitartean, Oteiza Fundazioak eta Kutxak sinatu duten akordioari esker. Beste egitasmo batzuk ere gauzatuko dira akordio horri esker, Jorge Oteizaren Katalogo Arrazoituaren argitalpena eta Hezkuntza bekarako hurrengodeialdia, esaterako. Egitasmo horietarako guztietarako, 35.000 euro emango ditu Kutxak. Oteizaren Katalogo Arrazoitua Txomin Badiola artistak egin du.
Remigio Mendiburu, formaren eraikuntza erakusketak Mendiburuk sortutako «eskultura lengoaia berezia» ezagutaraziko du. Remigio Mendiburu (Hondarribia, 1931—Bartzelona, 1990) Euskal Herrian eskultorerik berritzaileenetakoa izan zen. Gaur taldean elkartu zen Oteizarekin ta beste hainbat artistarekin, eta, harrezkero, harreman hori ez zen eten heriotzara arte.
Mendibururen lana erakutsiko du Oteiza museoak
Katalogo Arrazoitua ere argitaratuko dute aurki, Kutxarekin sinatutako akordio bati esker
Iruzkinak
Ez dago iruzkinik
Ordenatu
