Zuberoa Biarnora lotzeko xedea baztertzea eskatu diote abertzaleek Frantziari

Euskal Herriak ezagutza instituzionala behar duela aldarrikatu dute Atharratzen EH Baiko hiru hautagaik
Agoxti Xahoren sostengua irudikatu zuten atzoko agerraldian.
Agoxti Xahoren sostengua irudikatu zuten atzoko agerraldian. ALLANDE SOKARROS

Aitor Renteria -

2011ko martxoak 17
Zuberoa eta Nafarroa Beherea Biarnora lotzeko xedea burutik kentzeko erran dio EH Baik Frantziari. Daniel Olzomendi Iholdiko hautagaiak, Gilen Iriart Atharratzekoak eta Dominique Baxo Garazikoak egin zuten oharra. Izan ere, Frantziak eginen duen lurralde antolaketaren aitzin, kantonamenduetako azken hauteskundeak izanen dira martxoaren 20an eta 27an.

Zuberoa Euskal Herritik bereizteko saioak oro bertan behera uztea eskatu diote Frantziari. Gaur egun, Zuberoako hainbat gizarte zerbitzu Biarnoan dira, edo handik kudeatzen dira. Frantziaren xedea erabat bereiztea bada, EH Baik Lapurdi, Nafarroa Beherea eta Zuberoa bilduko duen erakunde edo instituzioa eskatzen du.

Hiru herrialdeen artean desoreka handia dagoela nabarmendu dute hautagaiek. Zuberoako eta Nafarroa Behereko biztanleek Lapurdiko kostaldeko hiri handietako biztanleen aukera berak ukan ditzaten, herrialdeen arteko egiazko oreka behar dela nabarmendu dute.

Berezirik edo bertze egitura administratibo batean urturik, Ipar Euskal Herriko herrialdeek etorkizunik ez dutela azpimarratu du EH Baik. Horregatik hiru herrialdeak bilduko dituen instituzioa eskatu dute, ondoren Euskal Herriko gainerateko herrialdeekin harremanak garatu ahal izateko, horrela erabakitzen badute.

'Agosti Xahoren' sostengua

EH Baik Agosti Xaho zuberotar ospetsuaren sortetxearen ondoan egin zuten agerraldia, eta, antzerki gisa, Xahok sostengua helarazi adierazi zien.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna