Noiz sortua: 2013-06-05 00:30:00

Adiskide. Lemoa

Bi indar erakustaldi

Zazpi Iturri eta Uharte final-laurdenak 3-0 irabazita sailkatu dira BERRIA Txapelketako finalerdietarako
Martija kadete mailako Uharteko aurrelaria, pilota jotzeko zorian, iragan igandeko kanporaketan.
Martija kadete mailako Uharteko aurrelaria, pilota jotzeko zorian, iragan igandeko kanporaketan. JUAN CARLOS RUIZ / ARP

Imanol Magro -

2013ko ekainak 5
Zazpi Iturrik eta Uhartek indar erakustaldi bana ema zuten iragan asteburuan jokaturiko BERRIA Txapelketako final-laurdenetan. Biek talde sendoa dutela erakutsi, eta 3-0 irabazi zituzten euren kanporaketak. Biak txapela irabazteko hautagaiak dira, baina bakarra iritsiko da finalera, hilaren 16an elkarren aurka jokatuko dutelako Zestoan, bigarren finalerdian. Aurretik, igande honetan, Tolosan, Aurrera Saiaz Bidegoiango taldeak eta Markinak lehen finalerdia jokatuko dute. Finala hilaren 23rako programatua dago, Hernanin.

0. Zazpi Iturri 3

KADETEAK

Ereño-Arandia 10

Egiguren-Erauskin 22

GAZTEAK

Etxebarria-Sainz 10

Irribarria-Erasun 22

NAGUSIAK

Legorburu-Galarza 10

Jaka-Garmendia 22

Zazpi Iturri iazko bidetik doa aurten BERRIA Txapelketan. Txapelaren egungo jabeak titulua berriz irabazteko faboritoetako bat dela erakusten jarraitzen du. Hala egin zuen iragan larunbatean, Adiskideri, Galdakaon, bere etxean, ia aukerarik eman gabe irabazi zionean. Hiru partidak emaitza berarekin irabazi zituen: 10-22. Kadete mailako partidan, Ereño Adiskideko aurrelariak min hartu zuen sorbaldan, eta bere jardunak lehia baldintzatu zuen. Zazpi Iturrikoak, aldiz, ondo aritu ziren, eta Egiguren aurrelaria nabarmendu zen, hamasei tanto eginda.

Gazte mailako partida desorekatua izan zen. Etxebarria Galdakaoko aurrelariak ez zuen zorterik izan errematean; Irribarria Zazpi Iturrikoak, aldiz, bai, batez ere pilota txokoan moztuz. Atzean Erasun gehiago izan zen, eta orekatuta hasiriko lehia (5-5), berehala hautsi zen. Nagusiak hasi zirenerako kanporaketa erabakita zegoen; hala ere, Erik Jakak hilaren 24an profesional mailako debuta zergatik egingo duen erakutsi zuen. Hamalau tanto egin zituen eta hark agindu zuen partidan.

0. Uharte 3

KADETEAK

Gisasola-Etxeberria 11

Laso-Martija 22

GAZTEAK

Mendia-Lejarreta 9

Larunbe-Sarasa 22

NAGUSIAK

Arrese-Garcia 19

Yoldi-Linzoain 22

Uharte finalerdietako aurkaria Zazpi Iturri izango zela jakinda kantxaratu zen iragan igandean Zestoan, eta Iruñerriko seikoteak ere nagusitasunez irabazi zion Lemoari. Lehen partidan ondo bideratu zuen kanporaketa (3-10, 8-15 eta 11-22). Laso aurrelariak itxura politeko pilotaria dela erakutsi zuen, tankera ezberdineko hamabost tanto eginez. Gazte mailako partidak, berriz, hasiera ona izan zuen (7-7), baina hortik aurrerakoetan goitik behera aldatu zen. Mendia-Lejarreta bizkaitarrak hutsak egiten hasi ziren; Larunbe-Sarasa nafarrak, aldiz, erasoan asmatzen (8-15 eta 9-22).

Bi partida irabazita eta 24 tantoren aldearekin, kanporaketa erabakita zegoen Uharteren alde. Halere, nagusi mailako partida ikusgarria izan zen. Lemoako Arrese eta Garcia hobeto hasi ziren (10-6 eta 15-12), baina Yoldi eta Linzoainek ez zuten galdu nahi eta gogotik lan eginda partida berdindu zuten (16-16 eta 19-19). Behetik gora eginda nafarrak freskoago iritsi ziren azken txanpara eta jarraian egin zituzten hiru tantoak.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna