Albistea entzun

Elorriagak eta Maeztuk laugarren postua lortu dute jazarpenean

Danimarkak kendu dio domina Espainiari Pistako Munduko Txapelketan; esprintean 7. izan da Tania Calvo

Unai Zubeldia -

2013ko otsailak 21 - Donostia

Brontzezko dominatik 5,748 segundora geratu ziren atzo Asier Maeztu eta Unai Elorriaga Pistako Munduko Txapelketan, Minsken (Bielorrusia), taldekako jazarpenean. Eloy Teruelek eta Sebastian Morak osatu zuten Espainiaren laukotea, eta sailkapen proban dotore aritu ondoren —Errusiaren hutsa baliatu zuten lau onenen artean sartzeko—, brontzea lortzeko borrokan nagusi izan zen Danimarka. Ezustean, Australiak lortu zuen urrea, eta Britainia Handiak zilarra.

Maeztuk eta Elorriagak bezala, Tania Calvok ere lan ederra egin zuen atzo. Helena Casasekin batera, taldekako esprintean aritu zen arabarra, Espainiako selekzioarekin, eta zazpigarren postuan amaitu zuen saioa (Alemania, txina eta Britainia Handia igo ziren podiumera). 20 urte besterik ez dauzka gasteiztarrak. Emaitzei dagokienez beste puntan, Maeztu, Elorriaga eta Calvo baino makalago ibili zen Sergio Aliaga. Kilometroko saioan aritu zen nafarra, eta denborarik txarrena egin zuen. François Pervis frantziarrak lortu zuen urrea. Aipagarria izan zen Sarah Hammer estatubatuarrak jazarpenean lortu zuen bosgarren urrea ere.

Gaur ere lau euskal txirrindulari ariko dira lehian. Bakarkako jazarpenean parte hartuko du Maeztuk, taldekako esprintean Juan Peraltak eta Hodei Mazkiaranek, eta 500 metrokoan Calvok.

Valverdek, etapa eta nagusia

Andaluziako Itzuliko hirugarren eta azken etapa jokatu zen atzo, eta Alejandro Valverdek (Movistar) dotore biribildu zuen azken egunotako lan ona. Espainiarrak irabazi zuen azken etapa, Rincon de La Victorian, hamabi txirrindulariko multzoan nagusituta, eta Jurgen Van den Broeck (Lotto) eta Bauke Mollema (Blanco) igo ziren, azkenean, Valverderekin batera podiumera. Ion Izagirre (Euskaltel-Euskadi) izan zen euskaldunik onena azken etapan —erasoa jo zuen kilometro eskas falta zela, baina taldetxoak ez zion baimeni eman—, eta Mikel Nieve (Euskaltel-Euskadi) sailkapen nagusian, 12. postuan, Valverderengandik 53 segundora.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Realeko jokalariak Take Kuboren gola ospatzen, gaur, Cadizen (Espainia). ©Roman Rios / EFE

Realak Kuboren gol bati esker irabazi du Cadizen

Paulo Ostolaza

Txuri-urdinek gogor lan egin behar izan dute, baina japoniarrak 24. minutuan sartutako golak balio izan die. Debuta egin dute Brais Mendezek eta Momo Chok ere.

Orioko arraunlariak garaipena ospatzen, atzo, Ondarroan (Bizkaia). ©Aritz Loiola / Foku

Oriok hirugarren aldiz irabazi du Euskotren Liga

Berria

Hamalau ehuneneko eskasegatik irabazi du gaur Castro Urdialesen, eta denboraldiko hamargarren bandera astindu du. 

 ©ARITZ LOIOLA / FOKU

«Denboraldi hau niretzat azkena balitz bezala gozatuko dut»

Pettan Uralde

Hamalaugarren denboraldia du De Marcosek Athleticen, eta egunez egun gozatzeko ideiarekin ekin dio sasoi berriari. Guardiako jokalariak Europan kokatu du taldearen helburua, eta lortuko dutelakoan dago.
Hondarribia garaipen bat ospatzen, artxiboko irudi batean. ©Oskar Matxin Edesa / Foku

Hondarribiak irabazi du Castro Urdialesen, eta sailkapena estutu du

Berria

Pasa den asteburuko kolpeari buelta eman dio Ama Guadalupekoa-k. Urdaibaik bigarren amaitu du, eta ondo eutsi dio lidergoari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...