Albistea entzun

Udalbiltza-Udalbide, «geldirik»

1999an sortutako lehen nazio erakundea zatitu ondoren, bere bidea egin du bakoitzak. Azkenaldian, ordea, behera egin du Udalbiltza-Udalbideren jarduerak, eta aurten ez du atera agiririk Aberri Egunean. Iritzi ezberdinak daude han ibilitakoen artean.

Hodei Iruretagoiena -

2014ko apirilak 24

Euskal Herriak Europako egituraketan eta instituzioetan nazio gisa jardun nahi duela sinesten dugu, 1999ko Aberri Eguneko Adierazpenean esan genuen bezalaxe, 1933an Donostian gure aurrekoek esan zuten bezala». Udalbiltza-Udalbideren Aberri Eguneko adierazpenaren pasarte bat da, iazkoa. Aurten, lehen aldiz, ez du agiririk atera. Lizarra-Garazi garaian, 1999ko irailean sortu zuten Euskal Herriko lehen nazio instituzioa 1.778 hautetsik, baina bitan zatitu zen hilabete batzuen buruan, prozesua haustearekin batera. Bakoitzak bere bidea egin du geroztik. Udalbiltza-Udalbide izenpean jarraitu zuen sentsibilitatea lanean aritu da geroztik, baina azkenaldian behera egin du haren jarduerak.

Erakundearen webgunea begiratuta (www.udalbide.net), iazko irailekoa da azken berria: Jose Maria Jimeno Jurioren Navarra. Síntesis histórica y geográfica (Nafarroa. Sintesi historiko eta geografikoa) liburuaren aurkezpena. 2012an argitaratu zuten azkenekoz Udalberri aldizkaria, 23. zenbakia. Udalbideko Zuzendaritza Batzordeko lehendakari, legebiltzarkide eta EAJren GBBko kide Maria Eugenia Arrizabalagarekin jarri da harremanetan BERRIA; adierazi du ez daukatela «ezer esateko» erakundearen egoeraren inguruan.

Camblong: «Udalbide hila da»

Udalbideko zuzendaritzan dihardu Ramuntxo Camblongek, eta, hark jakinarazi duenez, iazko azaroan egin zuten azkenetako bilera, eta aurtengo martxoan azkena, «gauzak ordenean jartzeko»: «Gauza anitz geldituko da: liburuak...». Haren esanetan, «Udalbide hila da, edo lo, bederen». Angeluko Udaleko zinegotzi eta EAJren Ipar Buru Batzarreko kide ere izana da Camblong. «Alderdiburuek nahi dute gelditzea. Ez dakit zerendako den. Ongi litzateke aurrera eramatea, baina estrategia berri bat bada. Fitsik ez dakit».

Jose Luis Mendoza ageri da oraindik Udalbideko zuzendari gisa elkartearen webgunean, duela bi urte utzi zuen arren kargu hori, BERRIAri esan dionez. Aurretik, zortzi urtez aritu zen bertan. Politikagintzaren lehen lerrotik eta instituzioetatik aparte dabil orain, irakaskuntzan. «Ikusle» gisa jarraitzen du gaur egun egoera, eta «ilusioz» begiratzen die nazio instituzioak izan ditzakeen aukerei. «Oso tresna garrantzitsua da; jarraitu behar da egiten».

Izan ere, Mendozaren «iritzi pertsonala» da ez dagoela arrazoirik bi Udalbiltza egoteko. «Udalbiltza bakarra behar litzateke. Badaude elkartzeko moduak, argudioak. Pertsonalismoak aparte utzita, zaila egiten zait ulertzea zergatik gertatzen den hori».

Udalbiden aritu den urteetan «oinarrizko Euskal Herria» ezagutu duela dio, «proiektu konkretuetan». Garrantzitsutzat du lan modu horretan jarraitzea, eta begi onez ikusten du, esaterako, iaz berrantolatutako Udalbiltzaren Pirinioetan Lan eta Bizi egitasmoa: «Nafarroako ikuspegitik, martxan jarri diren neurriak xumeak direla eman dezake, baina horrek ahalbidetu ditzake urrats handiagoak. Herri maila horretan egiten jarraitu behar dugu».

Euskal Herriko hautetsien biltzarrean sinesten duten sentsibilitate guztien indarrak proiektu beraren alde jartzeko baldintzak badirela uste du Mendozak: «Hainbat urtetan sortu diren mesfidantzak egun gutxitan ez dira gainditzen, baina errazagoa da orain. Baldintza ezin hobeak daude. Geure esku dago, baina batzuek esku txikiak ditugu orain, eta besteek esku handiagoak. Alderdikeriak alde batera uzten badira, posible da».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Antonio Caño 2018an, 'El Pais' egunkarik zuzendari zenean. Don Mitxelen albiste faltsua sinistu duenetako bat da. ©Fernando Villar / EFE

Arralderi buruzko txio batek agerian utzi du albiste faltsuen ahalmena

Paulo Ostolaza

Fikziozko herri horretako udalak Miguel Angel Blancoren hiltzailea seme kutun izendatu duela idatzi du Twitterreko Don Mitxel erabiltzaileak. Besteak beste, Daniel Lacalle ekonomialariak eta Antonio Caño El País-eko zuzendari ohiak sinistu eta zabaldu dute mezua.

Iruñeko zezen plaza, uztailaren 14ko arratsean. ©Iñigo Uriz, FOKU

Aske utzi dituzte Mutilzarra peñaren salaketaren harira Iruñean atxilotuak

Uxue Rey Gorraiz

Poliziak bost lagun atxilotu zituen atzo, uztailaren 14an Iruñeko zezen plazan izandako istiluekin lotuta. Aske dira, baina epaileak deklaratzera deituko ditu. Gorroto delitua egozten diete. Mutilzarraren arabera, hainbat pertsonak eraso egin zieten peñako zenbait kideri.

 ©IDOIA ZABALETA / FOKU

«Torturak erabat baldintzatu du ihes egiteko erabakia»

Maddi Ane Txoperena Iribarren

1960tik gaur egun arte arrazoi politikoengatik ihesean bizi izan diren euskal herritarren historiak bildu dituzte Doraik eta Pratek 'Bestaldean' liburuan. Nabarmendu dute askotarikoak direla bildutako bizipenak.
Foro Sozialaren agerraldi bat, uztailean. ©Monika del Valle / Foku

Foro Sozialak «etsigarritzat» jo du Sekretu Ofizialen Legea aldatzeko proposamena

Iosu Alberdi

Kritikatu du aurreproiektuak biktimen «birbiktimizazioan» sakontzen duela. Moncloari eskatu dio inbestidurako blokearekin akordioak lortzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...