Bihar hasiko dira Donibane Garaziko bestak. Vaubanen harresi inguruak jendez beteko dira igandera arte. Biharko lehen orduetan izanen da Hori Horiak peñak antolatzen duen Garaz'id Laktik lasterketaren seigarren aldia, etafrontoitik 19:30ean abiatuko da. Baina erran gabe doa bestak ez direla soilik kirol ekitaldiekin osatzen.
Besta batzordeak ez ezik, AEK-k ere egunero hainbat ekitaldi proposatuko ditu. Gau Eskolan bihar bertan hasiko dira, 19:00etan, garagardo gauarekin. Ostiralean, berriz, edariz aldatu eta ardo gaua antolatu dute. Larunbatean, Haurren Eguna izanen da Munstro Etxearekin 11:00etatik aitzina, haurren bazkariarekin eguerdian eta 16:00etan ipuinekin segituko du. Eguna handiagoekin bukatzeko, aipatu bi edariak nahasi eta Garag'arno gaua hasiko dute 19:00etan.
Baigorri eta Donibane Garaziko kideek osatzen duten Herrira taldeak ere presentzia ukanen du. Ostegunean, preso eta iheslari politikoen aldeko bazkaria izanen da merkatu estalian eguerdian, eta, ostiralean, bertso-triki poteoa hirian zehar, 19:00etan hasirik. Igandean, berriz, besta batzordeak antolatzen duen Elkarteen Egunean parte hartuko du Herrira-k ere, uda honetan Euskal Herria zeharkatzen duen Herritarren Epaia egitasmoa eramanez.
Bestalde, ostiraleko Zikiroa eta ohiko ekitaldiak ez dira faltako. Pilota desafio interesgarria izanen da larunbatean 17:00etan trinketean, Waltary ariko baita bakarrik Saldubehere eta Monce bikotearen kontra.
Gerizpean
Donibane Garaziren aldi
Donibane Garaziko bestak hasiko dira bihar. Elkarteen Eguna izanen da igandean, baina egun oroz present izanen dira
Iruzkinak
Ez dago iruzkinik
Ordenatu
