Albistea entzun

Gerizpean

Hiribilduen ospakizuna

Nabarreria, San Zernin eta San Nikolas hiribilduen batzea gogoratzeko ekintzak egingo dituzte Iruñean
Goizeko hamaiketan aterako da Erraldoi eta Buruhandien Konpartsa.
Goizeko hamaiketan aterako da Erraldoi eta Buruhandien Konpartsa. JAGOBA MANTEROLA / ARGAZKI PRESS

Lohizune Amatria -

2012ko irailak 8 - Iruñea

Iruñea hiru hiribildutan banatuta zegoen duela 589 urte. Nabarreria, San Zernin eta San Nikolas hiribilduek osatzen zuten, baina 1423ko irailaren 8an, Karlos III.aren aginduz, hiria elkartu egin zen. Bateratze Pribilegioaren bitartez amaitu zen hiru hiribilduen arteko liskarra.

Geroztik, gaurko eguna garrantzitsua da Iruñean, eta urtero hainbat ekintza prestatzen dituzte. Aurten, goizean hasiko da ospakizuna. Erraldoi eta Buruhandien Konpartsa 11:00etan abiatuko da, gaitero eta txistulariez lagunduta. Hiriko zenbait kale zeharkatu ondoren, Udaletxeko plazara iritsiko da, eta, bertan, dantzariekin elkartuko da. Arratsaldean, kontzertua izango da Gazteluko plazan. La Pamplonesak eskainiko du, 20:00etan.

Udaletxeak prestatutako ekintzez gain, Alde Zaharreko Merkataritza, Ostalaritza eta Zerbitzu Elkarteak antolatutakoak ere izango dira. Ekintzak antolatzen dituzten bigarren urtea da, eta, iaz bezala, Erdi Aroko ezkutuekin apaindu dituzte dendak. Merkataritza bultzatzeko txanpon bereziak prestatu dituzte aurten. Bost euroko balioa dute, eta deskontu gisa erabili ahalko dira Alde Zaharreko dendetan.

Gaurko ekintza nagusia Erdi Aroko azoka izango da. Urtero bezala, Iruñeko Alde Zaharreko kale eta plazetan izango dira postuak, eta aurten, gainera, Pizkundeko eta Erdi Aroko musika ere egongo da. Udaletxea ezagutzeko bisita gidatuak ere antolatu dituzte. Bihar izango da azkeneko eguna, eta beharrezkoa da aurretik izena ematea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Olatu sinkronizatua

Berria

Bi urte barru Europako kultur hiribirua izateko bidean, bosgarren Olatu Talka lehertu da asteburu honetan Donostian, 250etik gora proposamen sinkronizatu eskainita parte hartu nahi duen orori. Sormena, kirola argazkian, Easo igeriketa taldeko kideen atzoko erakustaldia, aldarrikapena eta elkartasuna nahastu dira egitarauan. Donostiatik kanpo ere zabaldu da aurten eskaintza, gainera.

Alarmak piztuta

Berria

Nafarroan, berezko arraza batzuk galzorian

60 urteko gaztea

Berria

Fender Stratocaster gitarra elektrikoa, 1954tik doinuka

Hemen da Olentzero

Berria

Gaur kalez kale eta etxez etxe ibiliko da, haurren begiradapean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...