Espainiako Bankuen erreskateak ez zuela Jaurlaritzaren kontuetan ondoriorik izango ziurtatu zuen Carlos Agirre Ekonomia sailburuak. Haatik, arrisku sariaren presioa ez zaio doan aterako gobernuari. Departamenduko arduradunek azaldu dutenez, merkatuetan zorra saldu nahiko balu, gaur egun Jaurlaritzari Espainiak ordaintzen duena gehi oinarrizko ehun puntu eskatuko litzaioke. Alegia, %7,5eko interesa, gutxi gorabehera. Espainiak baino kalifikazio hobea duen arren, zor jaulkitzaile ezohikoa izateagatik gainsaria ordaindu behar du. Nafarroak antzeko zama luke.
Egoera ikusita, hala ere, merkatura jotzeko ordua atzeratzen saiatzen ari da Jaurlaritza, baldintzak baretu arte. Unean uneko finantza beharrei aurre egiteko 500 milioi euroko kreditu ildoa hitzartua du Kutxabankekin, aurki berrituko duen formula.
Espainiako krisiaren ondorioak: EAEko zorra saltzeko %7,5eko interesa
Iruzkinak
Ez dago iruzkinik
Ordenatu