Udaberriarekin batera hasi du Euskal Kostaldeko Geoparkeak irteera eta bisita denboraldia. Astebururako eta Aste Santurako, MutrikutikZumaiara bitarteko kosta eremua (Gipuzkoa) ezagutzeko irteerak antolatu dituzte. Horietako gehienak itsasontzian egitekoak dira, itsasora irtetea baita naturgune dotore hori bisitariari erakusteko modurik eraginkorrena.
Asteburuan hasiko dituzte irteerak. Larunbaterako eta iganderako, itsasontzian irteera bana prestatu dute. Familian egiteko irteerak dira, etaDeba eta Zumaia arteko flysch-a ezagutzeko modua.
Aste Santurako, berrikuntzak
Aste Santurako, irteerak gehitu egingo ditu geoparkeak. Apirilaren 5ean, Zumaia eta Deba artean bi itsas irteera egingo dituzte, 11:30ean eta 16:30ean, eta hilaren 6rako irteera berri bat prestatu dute: Zumaia eta itsasoa. Kostaldeko herri hori itsasoarekin lotzen duten elementuak bisitatuko dituzte: arrantzale kofradiako salmenta aretoa, merkatarien jauregiak, ontziolak… Zumaiako turismo bulegotik abiatuko dira, 16:30ean.
Zetazeoak ikusteko aukera irteera da beste berrikuntzetako bat. Egun osoko abentura irteera da, eta, aditu baten laguntzarekin, itsas izaki bizidunen mundua ezagutzeko modua izango dute bisitariek. Zumaiako kirol portutik irtengo da ontzia, 09:00etan.
Geoparkeak antolatu dituen irteeren inguruko informazioa www.geoparkea.com webgunean eskura daiteke.
Kostaldea ezagutzeko irteerak, geoparkearen eskutik
Zumaia eta Mutriku arteko itsas eremua ezagutzeko irteerak antolatu dituzte geoparkean
Iruzkinak
Ez dago iruzkinik
Ordenatu
