Konkista dela-eta bihar Iruñean egingo den jaialdirako dena prest

Bost menderen ondoren «Nafarroa bizirik» dagoela aldarrikatu nahi dute sustatzaileek
1512-2012 Nafarroa Bizirik taldeko kideak, atzo.
1512-2012 Nafarroa Bizirik taldeko kideak, atzo. IDOIA ZABALETA / ARGAZKI PRESS

Joxerra Senar -

2012ko ekainak 15
Debekuen gainetik, badator Nafarroako konkistaren mendeurrenaren inguruko egun handia. Bihar izango da, eta, ez, ez da konkista ospatuko: «1512an konkistatuak izan arren, herri hau bizirik dagoela ospatu eta aldarrikatu nahi dugu», esan du Sergio Iribarren 1512-2012 Nafarroa Bizirik plataformako eledunak. Nafarroa menderakaitzaren lekukoa hartu nahi dute.

Bihar Iruñera hurreratzen direnentzat, ekitaldi ugariz osatutako egitaraua prestatu dute, goizean goizetik larunbaterako ordu txikiak arte. 09:30ean Iruñeko alde zaharrean barrena txistulariek diana joko dute: «Nafarroa esnatzeko». 10:00etatik aurrera hiru martxa aterako dira. Bata Lizarratik, bestea Burlatatik eta hirugarrena Noaindik. Noaingo zutabeak 1521. bataila gogorarazteko oroitarrian ekitaldi bat egingo du 11:00etan, eta handik Iruñerantz abiatuko dira.

Iruñean, 10:30ean zezen plaza irekiko da. Azoka egongo da, liburuak, tailerrak, haurrentzako txokoak eta eguerdian, ongietorri ekitaldia egingo da. Nafarroa Bizirik taldeak salatu du Nabarrerian prestatuta zituzten hainbat jarduera eta zezen plaza aurrean egin beharreko bazkaria debekatu dituela Iruñeko Udalak. Bazkaria zezen plaza barruan egingo diute. Goiz osoan, hainbat peñaren egoitzak irekita egongo dira.

Arratsaldean, 17:00etan abiatuko da martxa nazionala: Golem zinema aretoetatik, autobus geltokitik eta Trinitariosetatik. Antoniutti parkean elkartuko dira eta Gazteluko plazan egingo da ekitaldia. «Gamazada berriaren deialdia» iragarri dute. 19:30ean, kontzertuak zezen plazan, 15 eurotan (7,5 euro langabeentzat).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna