Komunikazioa

Gaur amaituko da 'Goenkale'-ren denboraldia; %4,4ko kuota izan du

Euskaldunen artean Araban, Bizkaian eta Gipuzkoan %12,2ko ikusle kuota izan du fikziozko saioak
Xabier Perurena eta Loreto Mauleon telesaileko aktoreak.
Xabier Perurena eta Loreto Mauleon telesaileko aktoreak. ETB

Urtzi Urkizu -

2011ko uztailak 5
Euskarazko telesail bakarrak, Goenkale-k, ETB1eko batez besteko kuota bikoizten du. Gaur gauean amaituko da 17. denboraldia, eta %4,4ko ikusle kuota izan du (iaz %5,3). ETB1ek %1,97ko kuota izan du. Euskaldunen artean, berriz, %12,2ko kuota izan du euskarazko fikziozko saio bakarrak —ikusle metatua: 68.000 ikusle—.

Ibon eta Joanaren arteko harremana hautsi ondoren, gaurko atalean Itxasok Joanari aitortuko dio Ibonekin maitemindu dela. Joanak, minduta, azalpenak eskatuko dizkio Iboni. Kevinek ez du ulertzen Eiderren jarrera. Nedarekin jeloskor dago, eta ez du nahi harekin eta Tximistarekin bazkaldu. Bestalde, Nekanek Arralden geratzeko eskatuko dio Naroari, berriro elkarrekin bizitzeko. Bien bitartean, Alicia eta Naia Australiarako bidaia prestatzen ari dira. Abiatu bezperan, Ikernek deitu egingo die umea izan duela jakinarazteko. Olgak eta Germanek ika-mika latza izango dute, eta Olgak ospitalean amaituko du. Gertaeraren lekuko izan ostean, Lukasek aitari leporatuko dio gertatutakoa, eta haren aurkako salaketa jarriko du.

'Goenkalez blai' saio berria

Goenkale irailean itzuliko da ETB1era. Bitartean, astearte gauean Goenkalez blai saio berria ikusi ahalko dute telesaileko jarraitzaileek. Maria Cruickshank aktoreak aurkeztuko du programa, eta bertan, telesailaren historiako gertaera esanguratsuenak bilduko dituzte. Gertaerak bere testuinguruan kokatu, eta protagonisten iritziak jasoko dituzte. Halaber, telesailean aritu izan diren aktoreek gaur egun zer egiten duten kontatuko dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna