Noiz sortua: 2011-04-12 00:30:00

Soslaia. Laurent Gbagbo

Irabazi edo irabazi

E.E. -

2011ko apirilak 12
Boterean jarraitzea beste aukerarik ez zuen burutan Laurent Gbagbok (Gagnoa, 1945) azaroko hauteskundeetan. Irabazi edo irabazi lelopean egin zuen kanpaina, eta hitza bete zuen. Hautestontziek aurkakoa bazioten ere, berak irabazi zuela aldarrikatu baitzuen. Atxilotu duten arte bere garaipena defendatu du.

Burugogorra dela diote gertukoek, eta helburuak betetzeko edozer egiteko prest dagoela. Gaztaroan, ezkerreko ideiak defendatu zituen, eta demokrazia aldarrikatu zuen Felix Houphouet Boigny presidentearen alderdi bakarreko agintaldi luzean —1960tik 1993ra—. Kartzelara bidali zuten 1971n, «ordenaren aurkako» irakaspenak emateagatik. Baina, Gbagbok, burugogor defendatu zituen askatasunaren printzipioak eta kartzelatik irtetean ere alderdi aniztasuna exijitzen jarraitu zuen. Baita bere ideiengatik Parisen, erbestean, sei urte eman ondoren ere. Irabaztea baitzen helburua. Orduko hartan, baina, xedea Boli Kostan demokrazia lortzea zen.

Gerora, helburua aldatu zuen. Nazionalismorako joera hartu zuen, eta xenofoboa izatea ere leporatu zioten. Batik bat, 1990eko hauteskundeetan, Henri Konan Bedierekin —Houphouet Boignyren ondorengoa— bat egin zuenean, Alassane Ouattarak hauteskundeetan parte har ez zezan. Haren gurasoak bolikostarrak ez zirelako ukatu zioten parte hartzea. Aldatu egin zela leporatu zietenei betaurrekoak aldatzeko erantzun zien. Izan ere, irabaztearren guztia ematen jarraitu zuen. Baina garaipena boterera heltzea bilakatu zen Gbagborentzat. Azken hilabeteotan boterea ez uztea bilakatu du helmuga. Horretarako, edozer egiteko prest dagoela erakutsi du, baita herrialdea gerra anker batera bideratzeko ere. Azkenik, irabaztearren, guztia galdu du Gbagbok.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna