Komunikazioa

'Hamaikakoa' eta 'Harrobia' futbol saioak bihar itzuliko dira Hamaikara

'Hamaikakoa'-n Gipuzkoako futbolak tarte zehatzagoa izango du, eta 'Harrobia' plato berri batean egingo dute

U.U. -

2011ko irailak 11
Realaren eta Athleticen gainean euskaraz egiten diren bi telebista saio bakarrak bihar gauean itzuliko dira Hamaika Telebistara. Aurreko denboraldian bezala, Hamaikakoa Inaxio Esnaolak aurkeztuko du Donostiatik, eta Harrobia Zihara Aranbarrik Bilbotik.

Hamaikakoa saioan formatoa egokitu dute. Mahai ingurua egin beharrean, ikuspuntuak landuko dituzte. Asteburuko partiden ondoren, kazetari bat eta futbol aditu bat bilduko dituzte mahai berean. Elkarrizketa atalari ere eutsiko diote. Eta Gipuzkoako futbolari tarte zehatzagoa eskainiko diote, elkarrizketa berezituekin. Bigarren B Maila, Hirugarren Maila eta emakumezkoen Superligako taldeak ere protagonista izango dira saioaren hirugarren denboraldian. Aurreneko saioan gonbidatua Realeko aurrelari Imanol Agirretxe izango da.

Harrobia saioak plato berria estreinatuko du bihar. Athleticen egunerokotasunak sortzen duena izango dute gai nagusi. Aurten, Liga eta Kopa ez ezik, Europa League ere mintzagai izango dute. Gainera, Bizkaiko gainontzeko taldeei ere lekua egiten saiatuko dira. Elkarrizketak platoan zein kanpoan egingo dituzte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna