Komunikazioa

'Goenkale'-ren 18. denboraldia gaur amaituko da, argitu gabeko tramekin

Euskaldunen artean %11,5eko ikusle kuota izan du aurten saioak: 71.000 ikusleko audientzia metatua

Erredakzioa -

2012ko ekainak 19
Arralden trama asko daude zabalik, eta horietako batzuk gaur argituko dira, Goenkale-ren denboraldiko azkeneko atalean. Alabaina, beste kontu batzuekin zer gertatuko den jakin gabe geldituko dira telesailaren jarraitzaileak.

Lukas eta Malen ezkontza prestatzen ari dira. Baina Lukasek eta Ikernek euren harteko maitasun harremanari ekin diote isilpean. Nekanek Ernestori jakinaraziko dio haur lapurretekin lotura duela frogatzen duen informazioa duela. Ernestok esango dio Ines gezurretan ari dela. Polizia etxera bideo bat helduko da, eta bertan Inesek gizon bat hil zuela aitortzen du. Sor Paresik ez du kartzelara joan nahi, eta laguntza eskatuko dio Ernestori; Ernestok, ordea, ez dio jaramonik egingo. Mojak mendekua hartuko du, Maleni egia osoa kontatuz.

Goenkale-k 18. denboraldia bete du, baina oraindik jarraitzaile ugari ditu. Aurten, Araban, Bizkaian eta Gipuzkoan %11,5eko ikusle kuota izan du euskaldunen artean. Audientzia metatua 71.000 ikuslekoa izan da batez beste.

Bestalde, hilaren 26an Goenkale 18 gala berezia emitituko dute. Irailean itzuliko da telesaila.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna