Grebetan oinarrizko zerbitzuak bermatzen ez dituztenak zigortzea proposatu du PPk

Espainiako Gobernua lantzen ari den Gardentasunerako Legearen aurreko proiektuak jasotzen du grebarako deialdien inguruan kargudun publikoek bete beharko dituzten hainbat arau. Atzo argitaratutako zirriborroaren 26. artikuluak jasotzen duenez, greba egunetan oinarrizko zerbitzuak bermatzen ez dituzten kargudun publikoei lege-hauste oso larria egitea egotziko zaie, aurreproiektua lege bihurtzen denean. «Askatasun publikoak eta eskubide sindikalak oztopatu» edo greba eskubidea murriztera bideratutako ekinaldietan parte hartzen duten kargudunei ere egotziko zaie oso lege-hauste larria egitea.

Halako jarrerak dituzten kargudun publikoak zigortzea aurreikusten du proiektuak: soldata jaso gabe uztea eta bost urtetik hamar urtera arteko inhabilitazioa ezartzea, besteak beste.