Albistea entzun

Maiak Laffageren omenezko antzezpen bat debekatu du

Entzierroaren ibilbidean egin nahi zen uztailaren 3 eta 4an, baina Iruñeko Udalak dio zirkulazioa oztopatu egingo duela
Sanferminetako entzierroaren ibilbidean egin nahi dute Laffageren omenezko antzezpena.
Sanferminetako entzierroaren ibilbidean egin nahi dute Laffageren omenezko antzezpena. IDOIA ZABALETA / ARGAZKI PRESS

Joxerra Senar -

2013ko ekainak 25 - Iruñea

Aurten bost urte beteko dira Jose Diego Yllanesek Nagore Laffage hil zuenetik. Uztailaren 3an eta 4an entzierroaren ibilbidean Laffageren omenezko antzezpen bat antolatu nahi zuten haren sendiak eta Astelehen Lilak elkarteak. Dena den, Ignacio Polo Iruñeko Hiri Segurtasuneko zinegotziak debekatu egin du ekitaldia, sanferminetan barruan ez dagoela eta zirkulazioa oztopa dezakeela argudiatuta. Tere Saez Astelehen Lilak elkarteko eledunak gogor gaitzetsi du udalaren jarrera. «Laffageren omenezko antzezpen bat izateaz gain, genero indarkeriari aurre egiteko kanpaina bat ere bada, eta doan aterako litzaioke udalari», azaldu du. «Ez du zentzurik», gaineratu du.

Atzo arratsaldean, antzezpenaren koordinatzaile Sandra Arroniz eta Tere Saez PSN, Bildu, Geroa Bai, Aralar eta Ezkerrako udal taldeekin bildu ziren. Oposizioko alderdiek bat egin zuten Enrique Maiari bilera bat eskatzeko, eta gaia parlamentura eramateko konpromisoa hartu zuten. Dena den, Saezek itxaropena dauka Maiak gogoeta egin eta iritzia aldatuko duela. Iruñeko Bilduk «lotsagarritzat» jo du Iruñeko Udalaren jarrera.

Antzezpenak entzierroaren ibilbide osoa hartuko luke. Arronizen arabera, espazio hori Laffageren istorioa kontatzeko erabiliko dute, baina, sakonean, genero indarkeriaren biktima guztiak hartu nahi dituzte gogoan. Iaz Nafarroako Gobernuak antolatutako Gazteen Arte Topaketak saria irabazi zuen obrak, arte eszenikoen atalaren barruan, eta sanferminen testuingurua erabili nahi zuten gai sozial hori kalera eramateko. Dena den, Saezek ziurtatu du debekuen gainetik obra ikusteko aukera egongo dela.

Saezen aburuz, omenaldiak egitarau ofizialaren barruan egon behar luke, emakumeen aurkako indarkeriaren oroigarri bat delako. Udalak azken bost urtetan sistematikoki gertaera ezkutatzeko jarrera hartu duela dio: «Umeen modura, aurpegia estalita ez da ezer konpontzen. Arazoari aurre egiteko modu bakarra da protokoloak ezartzea eta herritarrak kontzientziatzea».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Basurtun bihotzeko kirurgia ixtearen kontrako manifestazio bat. ©Marisol Ramirez / Foku

Sindikatuek manifestazioa egingo dute Basurtun bihotzeko kirurgia ixtearen kontra

Gotzon Hermosilla

Satse, ELA, LAB, CCOO eta UGT sindikatuek eskatu diote Osakidetzari helegiterik ez aurkezteko erabakia eteten duen ebazpen judizialari.

Mintzodromo bat, San Telmo museoan, Donostian. ©GORKA RUBIO / FOKU

Aniztasunerako zubigintza

Iraia Vieira Gil

Euskaraz ez dakitenak erakartzeko jardunaldiak antolatu ditu Euskaltzaleen Topaguneak. Euskarak sortzen dituen barne eta kanpo gatazkak izan dituzte hizpide.
Idurre Eskisabel, atzean Euskalgintzaren Kontseiluaren logoa duela. ©EUSKALGINTZAREN KONTSEILUA

Idurre Eskisabel izango da Kontseiluko idazkari nagusia

Julen Aperribai

Paul Bilbaok hamabi urte eman ditu kargu horretan, eta hura ordezkatuko du Eskisabelek gaur zortzi, Durangon. Euskararen auzia «gizartearen lehentasun» bihurtzea eta aliantzak sendotzea jarri ditu helburu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.