Albistea entzun

Udalbiltzarekin bat egin du Trebiñuko alkateak

Trebiñu Burgostik bereizi eta Araban sartzea ahalbidetzeko eskatu dio Udalbiltzak Espainiako Gobernuari

Edurne Begiristain -

2013ko azaroak 29 - Gasteiz

Jadanik 176 alkate dira Udalbiltzako partaide. Ignacio Portilla Trebiñuko alkatea izan da Udalbiltza udal eta udal hautetsien biltzarrera atxikitzea erabaki duen azkena. Iaztik da Portilla Trebiñuko alkatea, hautagaitza independente bateko kide gisa.

Portillak Udalbiltzarekin bat egin duela jakinarazteko, agerraldia egin du erakundeak Gasteizen. Udalbiltzak pozez hartu du alkatearen erabakia. Erakundeko lehendakari Mertxe Aizpuruak esan du garrantzi «kualitatiboa» duela «administratiboki Euskal Herrikoa ez den udal bateko alkateak» Udalbiltza aintzat hartzea eta bertako kide egiteak. «Udalbiltzak, horrela, nazio izaera handiagoa hartzen du eta gehiago hedatzen da». Guztira, 1.424 kidek osatzen dute gaur egun udal eta hautetsien erakundea. Gainera, Trebiñuko alkatearen partaidetzak «pluralago» egiten du Udalbiltza, Aizpuruaren ustez. Gogoratu duenez, Udalbiltza Euskal Herri osoko eta «kolore askotako» hautetsiek osatzen dute, eta, egun, horietako %17 hautetsi independenteak dira.

Trebiñuko alkateak, berriz, Udalbiltzan parte hartzearen garrantzia azpimarratu du: «Euskal Herriko parte da Trebiñu, erabat gaude integratuta mugimendu sozial eta instituzionaletan, eta nik Udalbiltzari atxikimendua eman izana normaltasun agerraldi gisa hartu behar da».

Trebiñuko aferari dagokionez, Burgostik bereizi eta Araban sartzeko abian den prozesua «itzulezina» dela nabarmendu du Portillak. Bidean «oztopo franko» egongo direla jakitun, aurrera egingo dutela ohartarazi du alkateak. Trebiñuarren borondatea argia dela eta konponbidea erakundeen esku dagoela azpimarratu du.

Udalbiltzako lehendakariorde Iratxe Lopez de Aberasturik, berriz, Trebiñuk Arabarekin bat egitea ahalbidetzeko eskatu dio Espainiako Gobernuari, eta argudiatu du eskaera «demokratikoa» dela. Azken 33 urteetan Trebiñuk hirutan eskatu du hori —1980an, 1998an eta aurtengo martxoan—, baina ezezkoa jaso du beti. Udalbiltzako buruak ohartarazi du Espainiako Gobernuak berriro ezezkoa emanez gero eta «estatuko bide administratiboak amaitzen» badira aldarrikapen horren alde dauden eragileek «bestelako neurriak» hartuko dituztela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.