Albistea entzun

Paxkal Indo. Seaskako lehendakaria

«Legea egokitu behar da Seaskaren izaerara»

Baionako suprefetak Hendaiako auzapezari egindako oharrak Seaskaren haserrea piztu du. Manifestazioa eginen du etzi.
GAIZKA IROZ

Aitor Renteria -

2013ko urtarrilak 31 - Baiona

Seaskak manifestaziora deitu du etziko, Hendaian. Baionako suprefetak 1850eko Falloux legea baliatu du eraikin berria gelditzeko. Lege horren arabera, ezin da diru publikorik baliatu eskola pribatu bat laguntzeko. Hizkuntza politikaren eragile nagusia denak funtzio publikoa bete ahal izateko laguntza publikoa behar duela erran du Paxkal Indo Seaskako lehendakariak.

Larunbatean manifestaziora deitu du Seaskak. Zertan da Hendaiako ikastolaren egoera?

Suprefetak gutuna igorri zuenetik ez da aldaketarik egon. Auzapeza suprefetarekin bilduko da aurki, eta gu, prefetarekin. Beraz, kolokan dago Hendaiako ikastola berriaren xedea. Hastapenetik erran genuen egoera larria dela, gainditzen duela Hendaiako ikastola, eta Seaskaren ikastola guztiei eragiten diela. Prefetarekin bilduko garelarik, ikastola guztien egoera aipatuko dugu.

Seaskaren eredua arriskuan dago. Suprefetaren erabakiak nolako eragina ukan dezake?

Bi aukera egon daitezke. Postuan dagoen artean, legea betearazi ahal du, nahi duen bezala. Erran du xede berriak aztertuko dituela, Hendaiakotik hasita. Baina orain arte egindakoa ere legearen jomugan ezar dezake, eta Seaskaren ibilmoldea deuseztatu berak kargua utzi arte. Aski du begiratzea nola dauden alokairuak, nola eraiki diren ikastolak, ikusteko esku hartze publikoa egon dela kasurik gehienetan. Beraz, berak erran bezala, kasu guztiak eraman ditzake auzitegi administratibora. Kasurik onenean, Hendaiako ikastolaren garapena trabatuko luke hiru urtez edo, kargua utzi arte. Kasurik txarrenean, ikastola gehienak itxiko lituzke. Kontraesanez beterik da suprefeta. Hendaia bera da adibidea. Nola traba dezake ikastola berria egitea, ikastola zaharra gisa berean egin zelarik? Hain argi badu, zaharra ere itxi beharko luke. Jakin dezala ikastola baten lana trabatzean bertan sartuko diren haurrak frantses elebakarrak izatera kondenatzen dituela.

Nola ken daiteke Falloux legea?

Legeak dio ezin direla eskola pribatuak finantzatu diru publikoarekin. Ez gara publikoak, baina eginkizun publikoa dugu. Beraz, legea egokitu behar da Seaskaren izaerara. Legerik ez dagoenez, sortu beharko da lege hori. Hizkuntza politikan sartu diren eskolak laguntzen ahal dira, baina nahikeriaz, ez beharturik. Bestela, legea onartezina izango zen. Nahi duten hizkuntza proiektu bat badelarik, erakunde publikoek laguntzen ahal dute. Azken baldintza litzateke eskola hori laikoa izatea. Elementu horiek bildurik, lege hori gure sareari egokitua litzateke.

Suprefetak bere baitarik hartu du erabakia, ala jasotako agindua da?

Iritzi pertsonala emanen dut. Demagun suprefetak Vallsen kabineteari deitzen diola. Erraten badie eraikin pribatuak diru publikoaz ordaintzen direla, hori mozteko agindua jasoko du. Aldiz, erraten badu ikastolek presioa egiten diotela, bertze erantzun bat ukanen luke. Vallsek berak eragin duen aginduan? Bai. Vallsen jarrerak hegalak ematen dizkie administrazioan ari direnei. Jakobinoa izatea errazagoa da Vallsekin.

Merkatuko prezioan alokatzea onartzen duela dio suprefetak. Ataka bat ireki du?

Ataka faltsua ireki du. Errealitatean ezinezkoa den bidea proposatu du. Teknikoki ezin da, diru aldetik. Ikastolak merkatuko alokairuan ordaintzeko, 1,5 eta hiru milioi euro artean beharko lirateke urtero. Ez dugu diru hori. Baina, gainera, ez ditugu gure egoitzak ordaindu nahi. Ez da zuzena. Zerbitzu publikoa gara, eginkizun publikoa dugu, eta diru publikoarekin lagundu behar da. Euskaltzaleek oso argi dute, eta hori aldarrikatuko dugu Hendaian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira
Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao, Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Donostiako Antigua Auzoko Osakidetzako osasun zentroa. ©GORKA RUBIO / FOKU

«Ezin dugu martxa honetan segitu»

Oihane Puertas Ramirez

Lehen mailako arretako langileek salatu dute baliabideak falta zaizkiela. COVID-19a dela eta, osasun etxeetako lan karga «izugarri» handitu zaie, eta «gainezka» daudela sentitzen dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.