Albistea entzun

Donostiako 60. Zinemaldia. Kritika. Zabaltegi-Bereziak

Agoten iragana eta oraina

Beñat Eizagirre Indo -

2012ko irailak 28

'Baztan'

Zuzendaria: Iñaki Elizalde.

Herrialdea: Euskal Herria.

Iraupena: 98 minutu..

Iñaki Elizalde nafarra film laburrengatik da ezaguna. Bere lanak hainbat nazioarteko jaialditan saritu dituzte. Patesnak, un cuento de navidad Oscar saria irabazteko hautagaia izan zen fikziozko film labur onenaren kategorian. Aurten, Baztan izeneko opera prima aurkeztu du Zabaltegi Bereziak sailean. Tamalez, filmak ez du ikuslea harrapatzerik lortzen, eta beraz, sentsazio gazi-gozoa uzten du. Gainera, agoten XVII. mendeko istorioa (iragana) eta agot horiek interpretatzeko kontratatua izan den lantaldearen istorioa (orainaldia) uztartu izanak ez dio askorik laguntzen, nahasmena areagotu besterik ez baitu egiten. Pertsonaia batzuk soberan daude, eta narrazioa trabatu eta korapilatu egiten dute; horregatik, haria jarraitzea zail gertatzen da batzuetan. Egileak ez du mundu koherente bat eraikitzerik lortu; zati ezberdinen bilduma bat osatu du. Baina filmaren bertuteak ere aintzat hartu beharrekoak dira, noski. Agoten gaia biziki interesgarria da, askok ez baitute kasua ezagutu ere egingo. Haiek jasandako jazarpenak ezezaguna izaten jarraitzen du oraindik ere, eta horregatik, mespretxatuak eta baztertuak izan zirenen istorioa berreskuratzea benetan garrantzitsua da. Bestalde, herritarrek kontatzen dituzten kondairek eta paisaien edertasunak xarma handia ematen diote. Burtonen unibertso gotikoaren pareko irudi eder eta aldi berean ilunak ageri dira pantailan; atmosferak Sleepy Hollow dakar gogora. Medemen Vacas lurralde horretan bertan filmatua izan zen duela 20 bat urte, eta apustu baten bidez omenaldi xumea egin nahi izan dio. Baztango jendearen iragana eta orainaldia uztartzea izan du helburu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Oscar Gomez eta Esperanza Lopez —ezkerretik hasita, lehenengo biak—, hiru performerrekin batera. ©Iñigo Uriz / Foku

'Harrespila' ikuskizuna Oteiza museoan eskainiko dute asteburuan

Ane Eslava

L'Alakran taldearen performance bat da. Oteizaren teorietatik abiatuta, cromlech bat osatuko dute parte hartzaileekin batera. Hamabi saiotan egingo dute, eta izena emateko aukera zabalik dago.

Ekoizleak, zuzendaria, aktore nagusiak eta instituzioetako ordezkariak, pelikularen aurkezpen prentsaurrekoa baino lehen, atzo, Bilboko Azkuna zentroan. ©MONIKA DEL VALLE / FOKU

Hilezkor izateak ikaratuta

Amaia Igartua Aristondo

Gaur estreinatuko dute Igor Legarretaren 'Ilargi guztiak' filma, Bilbon, Fant jaialdiaren inaugurazioan. Heriotzak eragiten duen beldurraz dihardu, hilezkortasuna lortzen duen pertsonaia baten begietatik

 ©MONIKA DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna