Albistea entzun

Lantegiak eta emanaldiak Topa Eszenikan

Arte eszenikoetako profesional eta amateurrak batuko dira Usurbilen, Añorgan eta Lasarte-Orian
Metrokoadrokaren <em>Poza: zergatik dantzatzen dute serbiarrek?</em>
Metrokoadrokaren Poza: zergatik dantzatzen dute serbiarrek? A. LEDESMA

Erredakzioa -

2013ko irailak 25 - Donostia

Lau formakuntza tailer eta hamar emanaldi eskainiko ditu Topa Eszenikaren bosgarren ekitaldiak, gaurtik hasita sei egunean: irailaren 25, 26, 27 eta 28a,; eta urriaren 4an eta 5ean; iraileko lau egunetako ekitaldi guztiak Usurbilen izango dira; urriaren 4koak, Donostiako Añorga auzoan, eta urriaren 5ekoak, Lasarte-Orian. Antzerki Ekintzak antolatzen du Topa Eszenika, Usurbilgo Udalaren eta EHAZE Euskal Herriko Antzerki Zaleen Elkartearen laguntzaz.

Lantegiak antzerkiaren munduan ezagunak diren sortzaileek zuzenduko dituzte: Oier Guillanek idazketa jorratuko du, Eszenarako idatzi irudietatik abiatuta ikastaroan; Maider Oiartzabalek, dantza garaikidea; Miren Gaztañaga eta Ander Lipusek antzezpen ariketa, Mugimenduak hitz bihurtzen direnean, hitza arnasa, arnasa kolpe, kolpea gihar… eta Aktorearen tresnak ikastaroetan hurrenez hurren.

Topa Eszenikak eskainiko dituen antzerki eta dantza emanaldiak askotarikoak izango dira. Parte hartuko duten bakarlari eta taldeetako batzuk profesionalak dira, beste batzuk amateurrak. Honako hauek zehazki: Jon Plazaola (bakarrizketa bat), Begiradak (Balitzen hioa), Zuondoan (Maddi eta Antton), Aixaixa (Katiusken erreinua), Kukuka eta Dantzaz Blai (dantza garaikideko saioa), Miren Gaztañaga (Stereo), Aldatzen Laguntzen (Eskorbuto bat, berriz ere!), Oh My God! (Zer duzu, Amy?), Abarka (Biba zorrien izurritea!) eta Metrokoadroka (Poza: zergatik dantzatzen dute bosniarrek?).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Beyonce, kontzertu batean. ©Andreu Dalmau / EFE

Inoiz sari gehien irabazitako artista bilakatu da Beyonce

Berria

Los Angelesen banatu dituzte bart musikaren sariak. Harry Styles abeslariak urteko diskoaren saria eraman du

Nerea Garmendia ETB2ko 'Gente seria' bakarrizketa saioan. ©EITB

«Betidanik eduki izan dut umorea presente; zoriontsu egiten nau»

Kerman Garralda Zubimendi - Gipuzkoako Hitza

Aktore lanetan hasi zen Nerea Garmendia, baina interpretazio munduko beste adar batzuetara egin du jauzi: aurkezle, bakarrizketalari... «Guztietan gozatzen dut». Era batera edo bestera, ikusleen irribarrea du xede.

 ©JOSEPH PHILLIPS

Dantzaren sektoreko profesionalen prekaritatea, agerian

Ainhoa Sarasola

Dantzaren sektoreko profesionalen prekaritatea agerian jarri du ikerketa batek. Aldizkakotasun handia, ordain apalak eta beste lan batzuetan jardun beharra nabarmentzen dira, besteak beste, datuen artean. Aurrera egiteko bide malkarra azaldu dute profil desberdineko hiru dantzarik.

2023ko Bertsolari Txapelketa Nagusia, Iruñeko Nafarroa Arenan. ©IÑIGO URIZ/ FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.