'La gran carrera' Europako Zinema Sarietarako hautagai da

Kote Camacho zinemagile gipuzkoarraren (Oiartzun, 1980) La gran carrera film laburra Europako Zinema sarietarako hautagai izendatu du Norvegiako jaialdi bateko epaimahai independenteak. Grimstadeko Film Laburren Jaialdia da sari horietarako hautagaiak aukeratzen dituen festibaletako bat. Camachoren lana zenbait jaialditan saritu dute aurrez; Alacanten (Herrialde Katalanak), Sorian eta Leonen (Espainia). La gran carrera 1914an girotu du Camachok, Lasarteko hipodromo bateko lasterketa kontatzeko. Zaldi irabazlearen alde apustu egindakoak garai hartako mila pezeta irabaziko ditu.