Albistea entzun

Durangoko 46. Euskal Disko eta Liburu Azoka. Arre, arre Landako

Omentzeko manerak

Jendetza ibili zen atzo azokan, baina liburu artean arakatzeko aukera ere izan zuten batzuek.
Jendetza ibili zen atzo azokan, baina liburu artean arakatzeko aukera ere izan zuten batzuek. MARISOL RAMIREZ / ARGAZKI PRESS

Juan Luis Zabala -

2011ko abenduak 7

Argizaiola saria dela-eta Iñaki Beobideri elkarrizketa egin nionean, garai hartako beste euskaltzale askorekin sentitutako gertutasun, mirespen eta esker on bera sentitu nituen; eta baita inbidia pixka bat ere, batik bat 70eko hamarkada «zoragarria baino zoragarriagoa» izan zela esan zidan unean.

Ondo pentsatuta, garai haren inbidia izatea gehiegitxo izango da, bizi izan ez dudanaren nostalgiari indar handiegia ematea, fribolitatea ia-ia. Baina uste dut oso garai interesgarria izan zela hura, eta baita aurrekoak ere; gerra aurreko, gerra garaiko nahiz gerra osteko euskaltzaleen nahiak eta ezinak, ametsak eta izuak, kezkak eta eztabaidak ederrak eta aberatsak izan zirela oso, eta ez ditugula oraindik behar bezala ezagutzen, gogoratzen, ospatzen; eta, batez ere, ez ditugula oraindik behar adina gozatzen.

Esan izan da ETA sortu ondorengo gatazka armatuaz eta haren ondorioez hitz egiten duen neurrian lortuko duela euskal literaturak Euskal Herritik kanpo ere interesgarritzat joa eta ezaguna izatea, horixe delako euskal idazleek atzerriko irakurleak eta kritikariak erakartzeko erabil dezaketen amurik erakargarriena, amu erakargarri bakarra ez baldin bada. Baliteke hala izatea, aldeko nahiz kontrako mistifikazio, morbifikazio eta momifikazio askoren sorburu izaten baita beti borroka armatuaren gaia.

Baina susmoa dut euskal literaturak, eta euskal arte-sorkuntzak oro har, ez dituela oraindik Iñaki Beobide eta haren garaiko nahiz lehenagoko euskaltzaleen abenturak eta kalenturak behar bezala aprobetxatu. Susmoa dut Iñaki Beobide eta haren garaiko nahiz lehenagoko euskaltzaleak modu hotzegi, erritualegi eta protokolarioegietan omentzen ditugula, ukiezintasunez, urruntasunez, aspergarri; omenduak ere ukiezin, urrun eta aspergarri balira bezala, kasurik gehienetan justu kontrakoa diren arren.

Irudipena dut omenaldirik gehienek —eta ez naiz Argizaiola sariaz ari, oro har baizik— omendua gerturatu beharrean urrundu egiten digutela, idulki baten gainera igoarazi eta behin betiko hieratikotasun zurrunera kondenatuta, gurekin solastu eta jolasteko ezinduta. Solasik eta jolasik gabe maitasuna posible balitz bezala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Koldo Biguri, Garazi Arrula eta Massimo Carlotto —pantailan—, gaur, liburuaren aurkezpenean. ©Iñigo Uriz / Foku

Italiaren erraiak, beltzez

Ane Eslava

Koldo Bigurik euskaratu du Massimo Carlottoren 'Agur, maitea, ikusi arte' nobela, eta Txalapartarekin argitaratu. Lanak Italiako boterearen eta kriminalitatearen arteko harremana islatzen du.

Manuel Asin Ikuspuntu jaialdiko zuzendari artistikoa, Baluarteko atarian, Iruñean. ©JAGOBA MANTEROLA / FOKU

Ikertzeko balio duten distantziak

Olaia L. Garaialde

Iruñeko XVI. Ikuspuntu jaialdia martxoaren 14tik 19ra izanen da. Sail Ofizialean hamazazpi herrialdetako 21 film izango dira lehian. Lan eta Desbordamientos sail berriak ere badira

 ©BERRIA

Lukiek, eskemak nondik eta noraino apurtu

Itziar Ugarte Irizar

 

Hamar kantuko disko berria plazaratu du taldeak: '#2'. Kontraste ugariko lana ondu dute, egitura ezohikoak eta pasarte poperoagoak uztartuta. Arrasaten joko dute gaur; bihar, Tolosan

Juan Mari Aburto eta Fernando Perez, atzo, Azkuna zentroan. ©ARITZ LOIOLA / FOKU

Bost erakusketa egongo dira ikusgai aurten Bilboko Azkuna zentroan

Olatz Enzunza Mallona

Erakusketez gainera, beste 200 jarduera baino gehiago programatu dituzte, eta arte bisualak indartzea izango du ardatzetako bat zentroak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.