Albistea entzun

Krisia Nafarroako Gobernuan. Analisia

Ezkutuko botereak

Joxerra Senar -

2014ko otsailak 19

Historiaren irakaspenak aintzat hartu behar dira beti, baina era berean, uneak beti ez dira berberak, ezta protagonistak ere. Politikaren taula gainera igotzen direnak, ez bederen. Eta hori jada diferentzia handi bat da. Izan ere, Yolanda Barcina ez da Miguel Sanz. Gaur egun Barcinak dituen zailtasun guztien jatorria eta arrazoi nagusia Sanzen gestioan datza. Nafarroako Kutxaren desagerpena edo finantza publikoen zuloak ez ditu Barcinak sortu. Garai oparoetako diru xahutze eta kontabilitate trikimailuen emaitza dira. Austeritatea aldarrikatzen duen alderdi horrek berak eragin du zorraren igoera esponentziala.

Erruak erru, Barcinak ez duen gaitasuna zuen Sanzek. Tematia eta burugogorra baina irekia, 2007an PSOErengana hurbildu eta proposamen bat egiteko gaitasuna izan zuen. Zazpi urte beranduago, Barcinak nahi du, baina ezin du. Bere jarreraren biktima da. Ustelkeria leporaino duela, zer dio PSOEri eskaintzeko? PPrekin ituna berregin ostean, Rubalcaba jada ez dago telefonoaz bestaldera.

Haatik, Barcina ez da arazo nagusia. Oposizioak badaki erregimenaren itzaletan mugitzen diren botere faktikoak, horiek bai, direla arriskutsuak. Adibidez, nabarrismoaren armarik ezagunena, une erabakigarrietan politika egitera jokatzen duen Cordovillako egunkaria. 1996koa maisu lana izan zen. Ez zuen berehalakoan hiruko gobernua eraitsi. Unea hautatu zuen. Noiz eta organo komunaren mamua atera zenean. Astebetera, gobernua hilzorian zen. Gehiago ere badira: CEN, Antonio Catalan bera...

Roberto Jimenezek, gainera, fidagarritasunik ez du ematen. Boterera heldu nahi du. 2011n akats estrategikoa egin zuen ez zuelako antzeman atzeraldia zetorrela eta murrizketek eragindako presioari iskin egin ezinik urtebetera gobernua utzi zuen. Agian, Jimenez da botere faktikoen itxaropena, Barcina oposizioaren itxaropena den bezala. Izan ziur itzalpeko botereak operazioaren hariak mugitzen hasiak direla.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Pello Otxandiano EH Bilduko Programa zuzendaria, indar subiranistak martxoaren 30ean Bilboko Euskaldunan egin zuen ekitaldian. ©MONIKA DEL VALLE / FOKU

«Lidergo kooperatiborako» deia

Jon O. Urain

EH Bilduk Euskal Eredua agirian jaso du datozen urteetarako egitasmo politikoa. Haren diagnostikoa da «inertziak kudeatzen» ari direla baina «norabide berri bat» behar dela
Pedro Sanchez, gaur goizeko agerraldian. ©FERNANDO ALVARADO / EFE

Sekretu Ofizialen Legea aldatzeko asmoa adierazi du Sanchezek

Iosu Alberdi

CNIk egindako espioitzak defendatu ditu, eta gainerakoen gaineko erantzukizun oro ukatu.

 ©THEOPHILE CADRAN

«Zerbait gertatzen ari da 'Hipotesi demokratikoa'-rekin»

Ekhi Erremundegi Beloki

Pozik eta harrituta mintzo da Thomas Lacoste dokumentalak Ipar Euskal Herrian eta Frantzian izandako harrerarekin. Euskal gatazkaren eraldatzea landu du, historiografiari ekarpena egiteko.
Pablo Gonzalez kazetaria ©efem0565 /Efe

Pablo Gonzalezen eskubideen urraketa arbuiatu du Eusko Legebiltzarrak

Edurne Begiristain

EAJk, EH Bilduk, PSE-EEk eta Elkarrekin Podemos-IUk adierazpen bateratu bat adostu dute Eusko Legebiltzarrean. Kezka agertu dute Poloniako agintariak  «neurririk gabe erabiltzen» ari direlako kazetariaren behin-behineko atxiloaldia, eta instituzioei eskatu diete urratsak egiteko haren aurkako auziak «berme guztiak» izan ditzan. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...