Noiz sortua: 2013-12-10 00:30:00

Lehia bai, baina istilurik gabe

Euskal selekzioaren eta Peruren arteko partidan «istilurik» ez izateko neurriak hartuko dituzte San Mamesen
Etxarri, De Marcos, Aduriz, Susaeta eta Amorrortu, euskal selekzioaren maskotarekin, atzo, San Mamesen, aurkezpenean.
Etxarri, De Marcos, Aduriz, Susaeta eta Amorrortu, euskal selekzioaren maskotarekin, atzo, San Mamesen, aurkezpenean. LUIS JAUREGIALTZO / ARP

Ainhoa Larrabe -

2013ko abenduak 10
Futbolzaleek partida berezia izaten dute Eguberrietan. Badira urteak euskal selekzioak lagunarteko partida jokatzen duela urte amaieran. Milaka dira lehia hori egutegian seinalatuta daukaten herritarrak. Aurten Peruko selekzioa izango du aurkari euskal selekzioak. Hilaren 28an jokatuko da norgehiagoka, 20:45ean. Euskal selekzioak lehen aldiz jokatuko du San Mames berrian, eta han egin zuten aurkezpena atzo. «Katedral berrian egitea berezia izango da», adierazi zuen Luis Mari Elustondok, Euskadiko Futbol Federazioko lehendakariak.

Iaz Anoetako estadioan Boliviaren aurka jokatutako partidan izan ziren istiluengatik «arduratuta» daudela adierazi zuen Jon Ander Gamboa federazioko idazkariak: «Euskal futbolari kalte egiten zaio horrelako jarrerekin». Berriro gerta ez dadin neurriak hartuko dituzte aurten, eta adierazi zuen estadioko segurtasun enpresarekin, Eusko Jaurlaritzako Kirol Sailarekin eta Ertzaintzarekin batera protokolo bat adostu dutela.

«Operatibo garrantzitsua» izango da San Mamesen. Ate guztietan miaketak egingo dituzte legez kanpoko materialak sartzea saihesteko. Partida «jai erraldoi» bat izatea nahi duela esan zuen: «Jarrera eredugarria gailentzea nahi dugu, ofizialtasunaren aldeko aldarrikapena egiteko, ez kontrakoa». Aurten dena ondo ateratzea nahi dute. «Nazioarteko erakundeen begiak gainean ditugu: FIFA eta Espainiako Futbol Federazioa kasu». Istiluak berriro gertatuz gero horien betoa egon litzakeela adierazi zuen. Jon Redondo Eusko Jaurlaritzako kirol arduradunak antzeko hitzak izan zituen. «Iaz lotsa eta pena sentitu nituen. Emandako itxura negargarria izan zen». Aurten «jaia eta aldarrikapena era zibilizatuan ematea» espero du.

Garaiz joateko deia

Partida ikustera garaiz eta denborarekin joateko deia egin zuen Nerea Zalaberriak, federazioko lehendakariordeak. Estadio barrura sartzeko sor daitezkeen arazoak saihestu nahi dituzte horrela. Itxaronaldia girotzeko zenbait ekitaldi antolatzen ari dira: «Bertsolari batzuekin hitz egiten ari gara». Zehaztu ahala emango dute ekintza horien berri. Bestalde, webgune berri bat zabaldu dutela adierazi zuen Zalaberriak.

Jose Maria Amorrortu eta Mikel Etxarri izango dira selekzio lanetan arituko direnak. Atzo esandakoaren arabera, oraindik ez dute jokalariekin hitz egin. Hilaren 23an emango dute deialdia.

Federazioaren webgunean eta Kutxabank-eko kutxa automatikoetan eskuratu ahal izango dira sarrerak, 13tik 26ra bitarte. San Mameseko leihatiletan eta Araba eta Gipuzkoako Lurraldeko Federakuntzako egoitzetan ere eskuragarri egongo dira. 18 eta 25 euro arteko salneurria izango dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 7an eguneratua, 14:00etan. ©BERRIA

Koronabirusaren azken datuak

Berria

Euskal Herrian 12.401 gaixok eman dute positibo koronabirusaren proba eginda. 790 hil dira. COVID-19 gaitza izandako 4.149 pertsonari eman diete alta. Grafikoak, albiste barruan.

Akordiorik gabe amaitu da eurotaldeko ekonomia ministroen bilera

Akordiorik gabe amaitu da eurotaldeko ekonomia ministroen bilera

Berria

Mario Centeno presidenteak jakinarazi duenez, bihar jarrituko dute negoziatzen. Koronabirusak eragindako kalteak arintzeko neurrien gaineko kontrola da oztopo nagusia.

Balkoitik bizilagunari begira. Txakurra paseatzera atera du auzokideak. ©CABALAR / EFE

Itxialdi garaiko inkisizioa

Ion Orzaiz

Osasun langileei eskainitako txaloez gain, beste jokabide batzuk ere azaleratu ditu konfinamenduak: besteak beste, bizikletan doazenei kargu hartzea, Poliziaren gehiegikeriak txalotzea edota, motiboak jakin gabe, paseoan dabiltzanak salatzea.

Herritarrak Shanghaiko parke batean. Txinan, aisialdi gune gehienak itxita daude oraindik ere. ©ZIGOR ALDAMA

Wuhanen gaur amaitu dute urtarrilean hasitako berrogeialdia

Zigor Aldama

Wuhanen gaur amaitu dute urtarrilean hasitako berrogeialdia. Azken egunetan ez da hildakorik izan hirian. Txinan eskariak nabarmen murriztu zaizkie osasun alorrean lan egiten ez duten enpresei

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna