Literatura. Pasarte hautatua. Ivo Andritx

'Zubi bat Drinaren gainean'

Ivo Andritx (Travnik, Bosnia, 1982-Belgrad, 1975), Drina ibaiaren ondoan.
Ivo Andritx (Travnik, Bosnia, 1982-Belgrad, 1975), Drina ibaiaren ondoan. BERRIA / BERRIA

Berria -

2011ko urriak 23
Bere ibilbide guztiaren zatirik handienean, Drina ibaia haitzarte meharretan aurrera igotzen da mendi malkarren artean, edo arroila sakonak zeharkatzen ditu, hormak zut ezker-eskuin. Haren ur ertzak alderdi gutxi batzuetan baizik ez dira haran irekietan zabaltzen eta ibaiaren alde batean nahiz bietan lurralde emankorrak eratzen, orain zelai, orain gorabeheratsu, laborantzarako eta jendearen bizilekurako egokiak. Zabaldi horietako bat hemen hasten da, Vixegraden, Drina ibaia bat-bateko bihurgune bat egin eta Butkoko haitzen eta Uzavnitza mendiaren arteko zintzur estu sakonetik sortzen den lekuan. Drinak paraje horretan egiten duen angelua guztiz zorrotza da, eta bi aldeetako mendiak hain dira amiltsuak eta hain daude batzuk besteetatik hurbil, ezen baitirudi tarterik gabeko masa bat dela eta ibaia horma ilun batetik sortzen dela zuzenean. Baina, supituki, mendiek banandu eta anfiteatro irregular bat osatzen dute, zeinaren diametroa tokirik zabalenean ez baita hamabost kilometrokoa baino handiagoa, alderik alde zuzen gurutzaturik.

NOBELA (HASIERA)

Jatorrizko hizkuntza: serbokroaziera.

Jatorrizko izenburua:

'Na Drini cuprija'.

Itzulpena: Karlos Zabala.

Argitaletxeak: Alberdania eta Elkar (Literatura Unibertsala bilduma).

Urtea: 2010.

Aurkezpena: XVI. mendetik XX.era, lau mende irauten duen kronika da Ivo Andritxen Zubi bat Drinaren gainean. Vixegrad hiriaren eta bertako bizilagunen poz eta atsekabeen kontakizun xehea, Drina ibaia eta haren gaineko zubia direlarik amodio eta gorrotoen lekuko, naturaren nahiz historiaren gorabeheren ikusle mutu. Liburu honen itzulpenarekin itzulpeneko Euskadi saria irabazi berri du Karlos Zabalak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna