Eva Hache fitxatu du La Sextak 'El club de la comedia' aurkezteko

2011. urtean 'The Walking Dead' telesaila estreinatuko dute, AEBetako AMC kateko arrakastatsuena
Eva Hache umorista.
Eva Hache umorista. SINENTZIA

U.U. -

2010eko abenduak 15
Hainbat telebista katetik pasatu ostean, Eva Hache aurkezle eta umorista La Sextara iritsiko da datorren urtearen hasieran.El club de la comedia formatuaren bertsio berritu bat aurkeztuko du Hachek, Madrilgo Häagen-Dazs Calderon antzokian. Programan parte hartuko dute, besteak beste, Angel Martinek, Joaquin Reyesek, Berto Romerok, Goyo Jimenezek, Dani Mateok, Leo Harlemek eta Carmen Machik. Gainera, bakarrizketetan hasiberriak diren talentu gazteei ere aukera bat eman nahi diete saioan.

La Sextako berrikuntzen artean, bestetik, datorren astelehenean hasiko den Algo pasa con Marta saioa dago. Arratsaldero, bost gonbidatuk Marta Torne aurkezlearekin hitz egingo dute talk-show berrian. «Esperientzia bitxiak eta kasu surrealistak» platora eramango dituztela aurreratu dute.

AEBetako telesail berriak

2011. urterako La Sextak gordea duen produktu indartsuenetakoa The Walking Dead telesaila da. Zonbien inguruko fikziozko lan horrek sei milioi ikus-entzule lortu ditu AEBetan, AMC ordainezko katearen telesail arrakastatsuena bihurtuz. Frank Darabontek zuzendutako telesaila 120 herrialdetan estreinatu dute. Emango dituzten beste telesail batzuk Nikita berria, Toda la verdad eta Chase dira.

La Sexta2 katean, bestetik, mahai-inguru politiko bat estreinatuko dute urtarrilean. Gauero emango dute astegunetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna