Albistea entzun

Transexualak 'hirugarren genero' gisa onartu dituzte Indian

Diskriminazioa amaitu eta hezkuntzan nahiz lan publikoan onurak emateko eskatu du Auzitegi Gorenak

Erredakzioa -

2014ko apirilak 16

Ez gizon, eta ez emakume. Indiako Auzitegi Gorenak hirugarren genero gisa onartu ditu transexualak, eta, jasaten duten bazterkeria amaitzeko, «diskriminazio positiboa» sustatzeko neurriak eskatu dizkio gobernuari. Aurrez Nepalen (2007) eta Pakistanen (2012) onartu dituzte gisa bereko neurriak. Alemanian eta Australian, berriz, iaztik agiri ofizialetan ez da ezinbestekoa gizon edo emakume gisa identifikatzea, sexuaren atalean zehaztu gabea jar baitaiteke, eta Argentinan, bata edo bestea, gizon edo emakume aukeratu dezakete genero nortasun anbiguoa duten herritarrek.

Giza eskubide gisa aztertu du Indiako Auzitegi Gorenak generoaren auzia, eta «transexualak ere Indiako herritarrak» direla nabarmendu dute K.S. Radhakrishnan eta A.K. Sikri epaileek: «Pertsona bakoitzaren eskubidea da bere generoa aukeratzea», idatzi dute ebazpenean.

Indiako Gobernuari transexualak «sozialki eta ekonomikoki azpigaratutako giza taldetzat» hartzeko eskatu dio Auzitegi Gorenak, hezkuntzan eta lanpostu publikoetan haientzat lekua gorde ahal izateko, behe mailako kastetako kideekin egiten den gisan: «Konstituzioaren izpiritua da herritar guztiei aukera berberak ematea, haien kasta, erlijio edo generoa zeinahi dela ere».

Gizartean eta familian baztertuak, prostituzioan edo eskean aritu ohi dira Indian sexu nortasun anbiguoa dutenak; Aravani, Hijra, Jogappa eta Sakhi-Bekhi gisako sektetan bilduta, asko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joseph Ratzinger, 2010eko ekainean, Vatikanoan. 2005etik 2013ra izan zen aita santua. ©ETTORE FERRARI / EFE

Municheko artzapezpiku zela abusuen aurka ezer egin ez izana egotzi diote Ratzingerri

Arantxa Elizegi Egilegor Igor Susaeta

Artzapezpikutzak berak eskatutako ikerketa baten arabera, aita santu emerituak lau sexu abusuren berri izan zuen. 1945 eta 2019 arteko salaketak jaso dira txostenean
MoldovaGaz energia enpresaren egoitza, Chisinaun. Gasaren prezioa bikoiztu egin da azken bi urteetan Moldavian. ©DUMITRU DORU / EFE

Gasak bizimodua zaildu die

Alex Bustos

Gazpromek Moldaviako Gobernuari ohartarazi dio gasa etengo diola urtarrilean zorrak kitatu ezean. Larrialdi egoera ezartzea onartu du parlamentuak.
Gizon bat tabberna bateko ataria garbitzen, Vienan, iazko azaroko itxialdiaren hasieran. / ©CHRISTIAN BRUNA, EFE

Otsailetik aurrera, Austriak 3.600 eurorainoko isuna jarriko die txertatuta ez daudenei

Arantxa Elizegi Egilegor

Parlamentuak gaur bozkatuko du lege proposamena. Otsailaren 1etik aurrera, txertatzera derrigortuta egongo dira 18 urtetik gorako herritarrak.

Kataluniako prozesu independentista sustatzeagatik Espainiako Auzitegi Gorenak espetxeratutako bederatzi buruzagi katalanetako zazpi, iazko ekainean, espetxetik irteten. ©Qique Garcia, EFE

Indultuen kontrako helegiteak bertan behera utzi ditu Espainiako Auzitegi Gorenak

Gorka Berasategi Otamendi

PPk, Ciudadanosek eta Voxek errekurtsoa jarri zioten buruzagi independentista katalanak aske uzteko neurriari, baina auzitegiak ebatzi du ez dutela horretarako gaitasunik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.