'Mugaldekoak' filma gaur iritsiko da zinema aretoetara

II. Mundu Gerrako Comete sarea du ardatz Mireia Gabilondok eta Fernando Bernuesek zuzendutako lanak

Erredakzioa -

2011ko martxoak 18
Historiaren eta, aldi berean, istorio askoren lekuko izan zen Ipar Euskal Herria, Nafarroa eta Gipuzkoa arteko muga ingurua Bigarren Mundu Gerrako urteetan. Alemaniako frontean eroritako hegazkin-gidariak jaso eta Ingalaterrara bueltan eramateko, bazter haietan barna ibili behar izan zuten Comete sare klandestinoko kideek. Sare horretan nahastuko den herri txiki bateko familia bat da Mugaldekoak filmaren protagonista. Iaz ETB1 katean atalka eman ostean, gaur iritsiko da lana zinema aretoetara.

Benetako gertaeretan dago oinarrituta pelikula. Mireia Gabilondok eta Fernando Bernuesek zuzendu dute lana, eta Tentazioak etxeak eta EITBk ekoitzi dute. Aktore taldea hainbat lagun ezagunek osatzen dute; Gabilondok berak eta Isidoro Fernandezek jokatzen dituzte bi rol nagusiak: Irene Solagurenena eta Manuel Larralde doktorearena. Comete sarean parte hartzeko eskatuko diote Solagureni. Familia errepublikarrekoa da, baina haren senarra frankisten bandoan aritu da gerran, mediku-kapitain mailan. Dedee de Jongh sareko arduradunarekin bilduko da Solaguren, eta baietz erantzungo dio azkenerako. Erabaki horrek bere bizitza eta familia osoarena aldaraziko ditu.

Matxalen Depedro ariko da Comete sareko arduradunaren rolean. Iñaki Beraetxek, Getari Etxegaraik, Alberto Berzalek, Iñaki Rekartek, Sara Cozarrek eta Aintzane Gamizek jokatuko dituzte familiako eta haren inguruko gainerako pertsonaiak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna