PSN eta PP biltzekoak ziren atzo, baina alderdi popularrak azken orduan uko egin zion eskaintzari. PSOEk adierazi ondotik ez duela hitz egingo gehiago Barcinarekin, Enrique Martin de Marcosek esan zuen «alferrikakoa» dela gero sozialistei arduraz jokatzeko eskatzea. Haren esanetan, bilera sail horrek iritzi publikoa «nahastea» baino ez du nahi. PPk gertuago ikusten du bozak aurreratzeko aukera, baina hori ez dela irtenbidea deritzo.
Nahiz eta PSNk bileretatik kanpo utzi duen Bildu, Koldo Amezketa parlamentariak adierazi du ez daudela minduta. «Dena ulertzeko gai gara», azaldu du Amezketak. Azpimarratu du herritarrei hitza ematea dela Bilduren lehentasuna. «Oso zaila izango da aldaketarik ez izatea, gobernu aldaketa horretan Bilduk parte hartzen ez badu».
PPk uko egin dio bilerari, eta Bilduk dio «ahal duen dena» egingo duela
Iruzkinak
Ez dago iruzkinik
Ordenatu