Zuzendariari

Herriarekin elkartasuna

Agustin Gil, Ramon Perez eta Felix Placer. -

2013ko urriak 4
Kristau talde garenez, geure elkartasuna agertu nahi diegu Herrira erakunde herritarrari eta han lan egiteagatik atxilotu dituztenei; erakundearen agiri, dokumentu eta jardunek beti aurkitu izan dute erantzun zabala gizartearen aldetik. Bat egiten dugu Herrira-ren helburuekin, geureak ere baditugulako; gainera, gure taldeek horien alde lan egin izan dute, presoen eskubideen defentsan erakundeak daraman ahalegin eta borroka miresgarrian elkarturik.

Atxiloketa zuzengabea salatzen dugu, beraz, baita haien egoitzak ixtea ere, eskubide demokratiko oinarrizkoenak urratzeaz gain, euskal gizarteak gatazkaren konponbideari begira eraman nahi duen prozesua oztopatu eta ezabatzera datozelako; alderik ahulenetik hasita: espetxeratuengandik eta atzerriratu eta deportatu politikoengandik.

Etika eta demokraziaren aurka doaz horrelako baliabide politiko-juridikoak; eta lagun ororen eskubide guztiak errespetatzea eta betetzea bilatzen dugu, geure kristau fedeko balioen izenean. Horregatik galdatzen dugu, Herrirak duen eskubidea, bere —eta geure— helburuak defenditzeko duena, errespetatzea; aldi berean, biharko manifestaldi nazionalean parte hartzera dei egiten du.

Geure Elizako beste eliztarri eta, bereziki, geure apezpikuei eskatzen diegu sentibera izatea, eskubide eta libertateen honelako zapalkuntzaren aurrean, eta horiek defenditzea, bila gabiltzan benetako berradiskidetasuna lortze aldera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna