Albistea entzun

Zuzendariari

Xabier Etxanizi erantzunez, ohar batzuk

Agustina Pontesta. -

2013ko abenduak 20

Asteartean BERRIAn Zuzendariari gutunak atalean Xabier Etxanizek idatzi zuenari erantzunez, hainbat argibide eman nahi nituzke.

EHE kideok beti genuen zeregina, eta nik uste 1983. urtekoa zela Gabonetarako telebista euskaraz kanpaina prestatzea.

Jakin genuenean Ramon Labaienek Eusko Jaurlaritzan azken denboraldia zuela (Donostiako alkatetzara joateko), erabaki genuen berarekin hitz egitea izan zitekeela egokiena gure kanpainaren berri emateko. Hori zela eta, Txillardegi, Luis Mari Mujika eta ni neu joan ginen Ramon Labaienekin mintzatzera. Oroitzen naiz oso harrera bikaina egin zigula Labaienek, kafe eta guzti.

Gure kezka nagusia zen kalean zebilen zurrumurrua: martxan jarri behar zen telebista ele bitan izango ote zen. Eta hitz-aspertu luzearen ondoren, telebistaz zuen iritzia eta nahia zein zen argi eta garbi azaldu zigun: Euskal Herriak ere telebista bere hizkuntzan, euskaraz, izateko eskubidea zuela, alegia.

Eta anekdotak anekdota (kartelarena barne), bilkura bukatu genuen Ramonen azken hitzokin: «Zoazte lasai, etxe honetako San Pedro ni naiz oraindik, eta euskara hutsez izango da!». Eta hori esanez agurtu gintuen.

Mila esker une haiek gogora ekar arazteagatik, Xabier, hau ere memoria historikoan sartzen baita.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.