Komunikazioa

Diez Urrestarazu, Jaurlaritzako Kulturako kabinete zuzendari

Euskadi Irratiko zuzendari eta ETB1eko edukien arduradun karguak bete ditu Diezek bi urteotan
Rosa Diez Urrestarazu.
Rosa Diez Urrestarazu. ETB

U.U. -

2011ko maiatzak 25
Rosa Diez Urrestarazu kazetariak Eusko Jaurlaritzako Kultura Saileko kabinete zuzendari eta komunikabideen zuzendari lanak beteko ditu ekainetik aurrera. Izendapena gobernu batzordetik pasa behar da, eta datozen egunetan egingo dute hori. Horrenbestez, ETB1eko eduki zuzendari kargua utzi beharko du Diez Urrestarazuk datozen asteetan. Bere ordez ez dute inor jarriko ETBko euskarazko edukiak zaintzeko, eta Alberto Surio EITBko zuzendariak hartuko du ardura bere gain.

EITBko zuzendariak Euskadi Irratiko zuzendari izendatu zuen Diez Urrestarazu 2009. urteko udan. Iazko udazkenean, berriz, ETB1ko eduki zuzendariaren figura sortu zuten, eta Urrestarazu hautatu zuten zeregin horretarako. Euskadi Irratiko zuzendaria Felipe Juaristi da ordutik.

Praktikan, urtarrilean hartu zuen ETB1eko edukien ardura Diez Urrestarazuk, eta denbora gutxi izan du euskarazko katean aldaketak egiteko. Finlandia eta Ibil2d saioak estreinatu dituzte. Eta, arratsaldeetan, Teletubbies ingelesez eta Sagarra da apple saioa jarri dituzte, berriro haurrentzako tarte bat eginda.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna