Albistea entzun

Paueko auzitegiak Emilie Martinen euroagindua ezeztatu du

Espainiako Auzitegi Nazionalak Frantziari bidalitako eskea bertan behera utzi du Paueko auzitegiak. Pozik eta lasaiturik agertu dira Herrira-ko militantea eta haren abokatua, deliberazioaren ostean
ISABELLE MIQUELESTORENA / EZEZAGUNA Tamaina handiagoan ikusi

Ion Elizondo -

2016ko urriak 19 - Baiona

Paueko prokuradoreak esperantzak utzi zituen joan den astean iragandako auzian. Zentzu berean jokatzea erabaki du epaileak, eta Emilie Martinen kontrako euroagindua bertan behera utzi du. «Pozik» eta esperantza handiarekin agertu zen atzo Herrira elkarteko militantea. «Espainiaratua izan baldin bazen [Martin] kezka handia izango genuen», aitortu du, berriz, Maritxu Paulus Basurko abokatuak.

Azken horrek azaldu duenez, euroagindua ezeztatzeko arrazoiak «pilatu» egin dira dosier honetan, eta Paueko epailearen txostenean aipatzen diren «funtsezko» hiru argudio nabarmendu ditu: «Lehena: Emilieri leporatuak diren karguek ez dute bat egiten kalifikazio penalarekin. Bigarrena: kontuan harturik Frantziako autoritatea jakinean zela Emilieren egitateak legezkoak zirela, eta ez dutela haren aurkako prozedurarik ireki, Emilie Herrira-ko partaidea dela esatea, jakinez Herrira Frantziako Estatuan deklaratua den elkarte bat dela. Azken argumentu nagusia, hots, hirugarrena: leporatzen zaizkion egitateak bakarrik Frantziako lurraldean gertatu direla», eta, beraz, Frantziako autoritatepeko eremuan.

Oroitaraz daiteke, prokuradoreak euroagindu horren gabeziak azaleratu zituela, ez ekintzen tokia, ezta Martinen inplikazioa ere zehaztu gabeak zirela erranez. Atzo, berriz, dosierraren formazko arrazoietan ez zen sartu militantearen abokatua. Zehaztu zuen, soilik, erabaki horrek kontrol judizialaren kentzea ondorioztatzen duela.

Erabaki «osoa» dela baloratu du Basurkok, «argiki erraten duena leporatzen zaizkion egitateak ez direla egitate kriminalak». Hala bada ere, Madrilgo Auzitegi Nazionalaren dosierrean segitzen du oraindik Martinek, beste 45 lagunekin batera. Madrilgo auzia noiz izango den ez da jakina, oraingoz, eta, abokatuak nabarmendu duenez, «muturreko helburua» da Espainiako Justiziak bultzatzen dituen jazarpenak bertan behera uztea: «Aitortuko duelarik jazarpen horiek guztiz ilegalak direla, benetako garaipenaren eguna iritsiko da».

Aurore Martin, bakarra

Ez da lehen aldia frantses nazionalitatea duen pertsona baten aurkako euroagindua ezeztatua dela, Frantziako beste tokietan zein Paueko auzitegian. 2004an, bertan behera utzi ziren Espainiak Segiko hiru militanteren aurka egindako eskaerak. Baina, Basurkoren ustez, Paueko erabakia garai hartan ez zen oraingo hau bezain sakona izan. Parisen, berriz, Jean-François Leforten kontrako euroagindua ere ezeztatua izan zen, 2005ean. Kasu bakarra dago, beraz, 2012an Aurore Martinen aurka aplikatutako euroagindua.

EH Baik «pozgarritzat» jo du atzo Paueko auzitegiak hartu zuen erabakia, eta Madrilek epaitu nahi dituen guziei elkartasuna adierazi die: «Emilieri leporatutako karguak ere delitutzat ez jotzeak, epaiketa horren baitan epaituak diren auzipetu guzien karguak ere delitu ez direla adierazi nahi du». Horrez gain, Arantza Zulueta abokatuaren askatasuna galdegiten du. Koalizioak argitara emandako oharrean, bide batez, Aieteko konferentzian bildutako puntuak oroitarazi dizkie Frantziari eta Espainiari.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Sareren manifestazioa Santurtzin, gaur zortzi. ©Aritz Loiola / Foku

Beste sei preso Euskal Herriratuko dituzte

Jon O. Urain

Gainera, beste euskal preso bat lekualdatuko dute Iruñetik Arabako, Bizkaiko edo Gipuzkoako kartzelaren batera.

Lau kideak hil zituzten gunea, Pasai Donibanen. ©Andoni Canellada / Foku

Pasaiako sarraskiko poliziak identifikatzeko saio bat egingo dute

Xabier Martin

Komando Autonomoetako lau kide hil zituzten polizia operazio horretan, eta idenfikazio proba batera deitu du epaileak lekuko bakarra: Joseba Merino. Martxoaren 28an du ordua, Donostiako epaitegietan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...