Frantziaren aurrean, burujabetza aldarri

Manifestazioa egin du Aitzinak Donibane Lohizunen, Frantziako egun nazionalean. Asimilazio politika eta erreforma liberalak salatu dituzte
Aitzinako kideak manifestazioa egiten, atzo, Donibane Lohizuneko karriketan.
Aitzinako kideak manifestazioa egiten, atzo, Donibane Lohizuneko karriketan. BOB EDME

Ekhi Erremundegi Beloki -

2017ko uztailak 15

Burujabe izateko. Guk Euskal Herria lelopean mobilizazioa antolatu zuten atzo Aitzina gazte antolakundekoek Frantziako egun nazionalaren karietara. 200 pertsona elkartu ziren Donibane Lohizunen (Lapurdi). Frantziaren asimilazio politika eta erreforma liberalen aitzinean, Euskal Herri burujabea eraikitzera engaiatu dira.

Eguerdi aldera, hiru zutabe abiatu ziren Louis XIV.a plazatik. Lehena Societe Generale banketxera joan zen, eta, han, Emmanuel Macron Frantziako presidentearen eta Pierre Gattaz Medef nagusien sindikatuko presidentearen argazkiak itsatsi, eta arrautzak bota zituzten. Bigarren zutabea turismo bulegora joan zen, eta han Mission Pays Basque filma parodiatzen duten afixak ezarri zituzten, Espekulazio eta folklorizazio misioa izenburuarekin; parodian, Robert Alday promotorea zen filmeko zuzendari, eta aktoreak, Anne Etxegoien kantaria eta Jean Lassalle diputatua. Azken zutabea hondartzan ibili zen, Independentzia leloa zeramaten panel erraldoiak eskuan zituztela.

Hiru zutabeak elkartu, eta manifestazioa egin zuten; bukaeran, Aitor Servier Aitzinako bozeramaileak hartu zuen hitza. Frantziako eta Espainiako presondegietan diren euskal presoak izan zituen gogoan, eta Hiriburun (Lapurdi) baraualdia egiten ari diren lau gazteak goraipatu zituen. «Frantziak ezin du ukatu hemen gatazka politiko bat dagoela, eta gatazka honen funts politikoari ere heldu behar zaiola. Salbuespen legediak bukatu eta etxekoak etxera ekarri behar ditugu».

Frantzian besta eguna izanik ere lan prekarioak egiten ari diren gazteei agurra eskainita, «sistemak ez du oporrik hartzen», adierazi zuen, udan Euskal Herria «turistentzat eraikitako atrakzio parke erraldoi» bilakatzen dela gaitzetsita. Errudunak ere izendatu zituen: Alday promotorea, Carmen agentzia, «eta enparauak». Folklorizazioarekin lotu zuen espekulazioa, horrela, frantziar asimilazioak «luze» iraungo duela deitoratuta. Macronen gobernuak aurreikusi dituen erreforma liberalak ere izan zituen hizpide, lan baldintzak gero eta «onartezinagoak» salatuta. Aukera «errealista» bakarra kapitalismoa «baztertzea» dela aldarrikatu zuen.

Baimena eskatu gabe

«Frantses nazionalismo uholdearen» parean, haien nazionalismo «atzerakoia» eta abertzaletasun «iraultzailea» kontrajarri behar direla aldarrikatu zuen Servierek. «Jendarte hobe bat eraikitzeko aldarrikatzen dugu burujabetza. Langile klasearen eta sektore zapalduen interesen defentsa egiteko; biharko Euskal Herrian orotariko diskriminazioak deuseztatzeko; feminismoa oinarri, sexismoarekin eta homofobiarekin bukatzeko; eta xenofobia ukatuz, Ongi etorri errefuxiatuak leloa aldarrietatik praktikara eramateko». Horretarako, hiru erronka nagusi finkatu ditu Aitzinak heldu den urteetarako, Servierek azaldu duenez: feminismoa, euskara eta etxebizitza. «Antolatzeko deia da gaur egin nahi duguna, nehori baimenik eskatu gabe, gazteon nahi eta beharrei erantzunen dien herri eredua egia bilakatzeko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna