Martxoaren 8an lanuztea egiteko deialdia egin dute UGTk eta CCOOk

Euskal Herriko gainerako sindikatu nagusiak jada ari dira mugimendu feministarekin elkarlanean, 'Emakumeok* Planto' lelopean. CCOOk eta UGTk Madrilgo deialdiarekin egin dute bat
Zahar etxeetako langile grebalarien protesta, iazko Martxoaren 8an.
Zahar etxeetako langile grebalarien protesta, iazko Martxoaren 8an. M.R. / ARP Tamaina handiagoan ikusi

Samara Velte -

2018ko urtarrilak 30

CCOO eta UGT sindikatuek ere euren deialdia egin dute Martxoaren 8an egingo den greba feministarako: lan txanda bakoitzeko bi orduko lanuzteak egiteko eskatu diete enpresetako beharginei; bat goizean eta bestea arratsaldean. Bi sindikatuek Espainiako Estatuan erabiliko den leloarekin egingo dute bat: Bizirik, libre eta elkartuta, berdintasunaren alde. Indarkeria matxisten, soldata desberdintasunaren eta enpleguko prekaritatearen aurka.

Euskal Herrian, aldiz, Emakumeok* planto! izango da Martxoaren 8ko mobilizazioetarako lelo nagusia —emakume gisa identifikatzeko modu ugari daudela irudikatzen du izartxoak—. Ia bi dozena elkartek —tartean, Bilgune Feminista, gehiengo sindikala eta gobernuz kanpoko hainbat erakunde— abenduaren 2an abiarazi zuten egitasmoa, Gasteizen egindako batzar handi baten ondotik. Harrezkero, eskualde, herri eta auzoetara igaro da greba feminista antolatzeko ardura; hainbatetan hasiak dira jada antolaketako batzordeak osatzen, eta lurralde bakoitzeko bi ordezkari ari dira nazio mailako deialdia prestatzen. Izan ere, greba klasikoaz harago, herriz herri antolatutako ekintzekin osatu nahi dute protesta. Enplegatutako langileen greba ez ezik, ikasleena eta zaintza lanak egiten dituztenena ere izatea nahi dute antolatzaileek; kontsumo greba ere planteatu zen abenduko batzar hartan. Horregatik, jarduera bakoitzera egokitutako ekintzak proposatuko dituzte, lanuzte hutsaz harago.

Ostiral honetan emango dute Hego Euskal Herrirako deialdiaren xehetasunen berri. Bilgune Feministak jakinarazi duenez, «jende ugari» ari da jada prestaketetan parte hartzen: «Adin askotariko emakumeak ari dira bileretara joaten».

23,5 punturen aldea

CCOOk eta UGTk, ordea, enplegatuta dauden langileei bakarrik egin diete grebarako deialdia. Lanuztearen berri ematean, gizon eta emakumeen soldaten artean dauden desberdintasunetan jarri dute arreta nagusia bi sindikatuek. Cristina Antolanzas UGTko idazkariorde nagusiak eta Elena Blasco CCOOko Emakumeen eta Berdintasunerako idazkariak gogora ekarri dute Espainiako Estatuan 23,5 punturen aldea dagoela gizonek eta emakumeek irabazten dutenaren artean; eta emakumeen soldata, batez beste, %30 igo behar litzatekeela gizonezkoen irabazien parera heltzeko. Horregatik, iragarri dute soldata parekideak bermatzeko lege bat garatzeko eskatuko diotela Espainiako Gobernuari: «Soldatetan eta pentsioetan, lapurretan ari zaizkigu emakumeoi».

Lan mundurako beste hainbat neurri ere eskatu dituzte bi sindikatuek; adibidez, berdintasun plan bat edukitzeko betebeharra enpresa ertainei ere ezartzea —gaur egun, 250 langiletik gorakoak bakarrik daude behartuta—. Emakumeen enplegua sustatzen eta etxeko zaintza lanak hobeto banatzen laguntzen duten politikak ere exijitu dituzte. Izan ere, emakumeek hartu ohi dituzte eszedentzien eta lanaldi murrizketen %92: «Horrek gero ondorioak dauzka euren ibilbide profesionalean eta erretirorako kotizazioetan».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna