Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Porrotaren erantzuletzat jo dituzte Karrantzako Mindaren arduradunak

Diru publikoa eramatea egotzi die konkurtsoaren kudeatzaileak.

Epailearen esku da txostena
Karrantzako minda planta, eraikitzeko obrak bertan behera utzi zirenean zegoen egoeran, 2011n.
Karrantzako minda planta, eraikitzeko obrak bertan behera utzi zirenean zegoen egoeran, 2011n. JON HERNAEZ / ARGAZKI PRESS

Ibai Maruri Bilbao -

2015eko maiatzak 15 - Bilbo

Karrantzan (Bizkaia) minda planta martxan jartzeko proiektua sustatu zutenak porrotaren erantzule egin ditu hartzekodunen konkurtsoaren kudeatzaileak, epaileari aurkeztu dion txostenean. Orain fiskalak idatzi behar du berea. Oso litekeena da auzitegiak epaiketara deitzea, errudun diren edo ez ebazteko. Kudeatzaileak egin duen eskaera berbera egina dute Karrantzako Udalak eta Espainiako Estatuaren abokatuak. Baina Kepa Landa abokatuak «jauzi kualitatibotzat» jo du kudeatzailearen txostena: «Epaileak kontuan hartu behar ditu kudeatzailearen eta fiskaltzaren txostenak. Eta fiskalak jadanik zeharka iradoki du berak ere bide beretik joko duela. Beraz, prozesuak ez du atzera bueltarik».

Haraneko abeltegietatik ateratzen den gehiegizko mindari irtenbide bat emateko proposatu zuten abeltzainek planta egitea, 2000. urtean. Horretarako, Karrantzako Minda izeneko enpresa sortu zen, eta horrek Ade Biotec SM enpresa kontratatu zuen obrak egiteko eta, gerora, planta kudeatzeko. Kostata, 2009an hasi ziren eraikitzen. Espainiako Gobernuak, Eusko Jaurlaritzak eta Bizkaiko Foru Aldundiak 13,5 milioi euroren diru laguntzak eman zizkioten proiektuari; horietatik hamar pasatxo, obrak hasi aurretik. Diru hori guztia inbertitu ostean, baina, lau horma baino ez ziren eraiki. Eta egin gabeko lanen fakturak ere pasatu zituen enpresak. Hala, erakunde publikoek diru laguntzak emateari utzi zioten. 2010ean bertan behera geratu ziren lanak, ez zutelako aurrera jarraitzeko dirurik. 2011n, hartzekodunen konkurtsora deitu zuen Karrantzako Mindak.

12,5 milioiko kalte-ordaina

Haraneko udal sozietate publikoa izan zen Karrantzako Minda enpresako bazkideetako bat. Hala, Ade Biotec enpresaren eta orduko udal ordezkarien aurkako kereila ipini du, zigor arloan. Landa abokatuak eta Haraneko sozietateko presidente Patxi Garciak aurkeztu zuten. Garcia EH Bilduko zinegotzia ere bada. Hark laburbildu du konkurtsoaren kudeatzaileak txostenean esandakoa: «Argi dio Karrantzako Minda Ade Biotecen erabilpenerako sozietatea baino ez dela izan. Izan ere, Ade Biotecek erakundeetatik lortutako diru publiko gehiena poltsikoratu du». Era berean, txostenak baieztatu du Ade Biotec enpresako arduradun nagusi Martin Askazibarrek Karrantzako Mindaren administrazio kontseiluko ordezkaritza lanak hartu zituela. Proiektua martxan ipini zenean, Askazibar Eusko Jaurlaritzako Nekazaritza Saileko Berrikuntza eta Teknologiaren Garapeneko zuzendaria zen. Karguan egon zen azken urteetan hainbat milioitako diru laguntzak sinatu zituen Karrantzako egitasmoarentzat. Eta 2009an, zeregin politikoak utzita, enpresako aholkulari hasi zen.

Kudeatzailearen txostenak 12.586.000 euroko kalte-ordaina eskatzen dio Ade Biotec enpresari. Hark ezin badu, Askazibarrek ordaindu beharko luke. Horrekin batera, aholkulari tekniko izandako Felipe Mendibilek eta Karrantzako Minda enpresako administrazio kontseiluko bost kidek ere lagundu beharko dute ordaintzen: Mendibilek gehienera 9,5 miloi ordainduko lituzke, eta kontseiluko kideek, hiru. Kideetako bat da alkate ohia.

Garciari eta Landari deigarri egin zaie Bizkaiko Diputazioak eta Eusko Jaurlaritzak errudun eskaera egin ez izana, eurak ere hartzekodun direnean. «Prozedura honetan guztian EAJren esku egon diren bi instituzioen jarrerak susmo argiak pizten ditu, ez ote dituzten iruzur erraldoi honen erantzuleak eta diru publikoaren lapurrak estali nahi izan».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bilboko Zorrotza auzoan dozena bat auto urperatu zituen ibaiak. ©LUIS TEJIDO / EFE

Elur urtuak eta ibaien emari handiek kalteak eragin dituzte

Javi West Larrañaga

Cadagua eta Nerbioi ibaiek egin dituzte kalterik handienak Bizkaian. Auzokide batzuek ezin izan dituzte ibilgailuak garajetik atera
Irune Costumero, artxiboko irudi batean. ©ANDONI CANELLADA / FOKU

Irune Costumerori alabaren zaintza partekatua ukatu dio auzitegiak

Erredakzioa

GAS gurasoen alienazio sindrome faltsua argudio hartuta, kendu egin zioten zaintza 2017an. Costumerok mendekutzat jo du epaia
Taberna bat, bezeroz beteta. ©GUILLAUME FAUVEAU

Araban, Bizkaian eta Gipuzkoan COVID ziurtagiria exijitzearen alde azaldu da Auzitegi Goreneko fiskaltza

Ion Orzaiz

Fiskaltzak ontzat jo du Eusko Jaurlaritzak EAEko Auzitegi Nagusiaren epaiaren kontra jarritako helegitea

Asier Zabaleta eta Marian Gerrikabeitia: «Ondo gaude»

Asier Zabaleta eta Marian Gerrikabeitia ostegunean itzuliko dira Euskal Herrira

Paulo Ostolaza

Mozambiken harrapatuta daude dantzaria eta kazetaria, omikron aldaera dela-eta mugak itxi dituztelako hainbat herrialdek. Espainiako Gobernuak antolatu du etxera eramango dituen hegaldia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.