Albistea entzun

Jarrerak hurbiltzeko eta bide orria adosteko prest daude CiU eta ERC

Bilera saila «berehala» hasiko du Masek.

Ados jartzeko eskatu diete ANCk eta Omniumek

Erredakzioa -

2014ko abenduak 4

Artur Masen bide orriari, Katalunian hauteskundeak aurreratzekotan independentziaren aldeko zerrenda bakar bat osatzeko proposamenari, espero baino gogorrago erantzun zion herenegun Oriol Junqueras ERCko presidenteak. Argigarria izan da Josep Rull CDCko koordinatzaile nagusiaren erreakzioa: «Egiaztatu dugu urruneko jarrerak ditugula. Oso urrunekoak». Baina, segidan, jarrerak hurbiltzen saiatzeko prest agertu da Rull, «lan handia» daukatela nabarmentzeaz gain. Masek alderdiekin eta gizarte zibilarekin bilera sail «diskretu bat» hasiko duela jakinarazi du Generalitateak, eta Kataluniako presidentea Junquerasekin berehala bilduko dela zehaztu du Rullek.

Junquerasek atzo goizean SMS bidezko mezu bat bidali zion Masi, ERCren bide orria aurkeztu eta ordu gutxira, eta bien proposamenak bateratzen ahalegintzeko bilera bat eskatu zion. Zerrenda bakarraren lekuan, independentziaren aldeko aterkipean izenaren eta programaren zati bat partekatuko luketen hautagaitzak aurkeztea hobetsi zuen Junquerasek. Baina bide orri bateratu bat adosten saiatzeko prest agertu da.

Bi proposamenen arteko aldeak handiak direla Jordi Turull CiUren talde parlamentarioko presidenteak ere onartu du: «Masen bide orriari osoko zuzenketa bat egin dio Junquerasek». Baina desadostasunak ez dutela zertan «gaindiezinak» izan eta akordio bat ez lortzeko probabilitatea ez duela aurreikusten erantsi du: «Hain da handia daukagun erantzukizuna, non ezin baitugu hutsik egin».

Akordiorako tartea

Carme Forcadell ANC Biltzar Nazional Katalaneko buruak eta Muriel Casals Omnium Culturalekoak lehen lerrotik jarraitu zuten Junquerasen agerraldia. Eta biek nabarmendu dute akordiorako tartea ikusten dutela.

«Irtenbide bakarra» CiU eta ERC ados jartzea dela nabarmendu du Forcadellek, hauteskunde plebiszitario batzuetarako «ahalik eta zerrenda transbertsalena» osatuta. Mas eta Junqueras gauza askotan bat datozela adierazi du ANCko buruak: «Aldaketa bat nahi dutela, bozak behar direla, epe bat, gobernu sendo bat... Akordiorako tartea badago».

Omniumek, zerrenda bakarraren edo aniztasunaren artean hauturik egin gabe, ados jartzeko eskatu die CiU, ERC eta CUPi, eta independentziarako bide orrian alderdi politikoen eta gizarte zibilaren arteko «batasun estrategikoa» ere eskatu du. Halaber, prest agertu da subiranismoko sentsibilitate politiko eta sozial askotarikoen artean zubi lana egiteko.

CUPeko diputatu Quim Arrufatek aterki beraren pean hautagaitza askotarikoak izanda «independentziaren aldeko ahalik eta boto gehien biltzeko helburua» lorgarriago ikusi du. Eta ICV-EUiAri ere Masena baino «pluralagoa» iruditu zaio ERCren proposamena.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste
Espainiako Polizia Ukrainaren enbaxadaren ingurumarietan, atzo. ©Chema Moya, EFE

AEBen enbaxadakoei eta Pedro Sanchezi ere bidali dizkiete lehergaiak

Uxue Rey Gorraiz

Sei dira guztira atzemandako bonbak; horietatik bost azken orduetan atzeman dituzte, Espainiako Defentsa Ministerioan, AEBen eta Ukrainaren Madrilgo enbaxadetan, Zaragozako arma lantegi batean eta Torrejon de Ardoz herriko aire basean. Pedro Sanchezen aurkako bonba bat atzeman zuten azaroan. Antzeko ezaugarriak dituzte, eta agian gehiago egongo direla ohartarazi dute.

 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainanan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.