Boko Haramekin su-etena sinatu duela dio Nigeriako Gobernuak

Apirilean bahitutako neskak astelehenerako utziko dituzte aske, gobernuaren arabera

Samara Velte -

2014ko urriak 18
Nigeriako Gobernuak jakinarazi duenez, su-etenerako akordioa lortu du Boko Haram miliziarekin. Alex Badeh armadako buruzagiaren arabera, tropek erasoak gelditzeko agindua jaso dute, eta talde islamistak ere bertan behera utzi ditu ekintza armatuak. Apirilean Chibok herritik bahitutako neskatoak ere astelehenean bertan askatuko dituztela hitzeman du miliziak, gobernuak dioenez.

Boko Haramek ez du oraingoz adierazpen ofizialik egin, eta horrek susmo txarrak piztu ditu Nigeriako Gobernuak esandakoen inguruan. Goodluck Jonathan presidenteak aurki berriz hauteskundeetara aurkezteko asmoa dauka, eta bahitutako neskei buruzko berri onek mesede handia egin diezaiokete kanpainan. Gainera, ez litzateke lehenbiziko aldia Abujako gobernuak su-eten bat iragarri eta hura benetan indarrean sartzen ez dena.

Jonathanen idazkari nagusiak dioenez, Txaden izandako negoziazio prozesu batetik dator bake akordioa. Danladi Ahmadu izeneko bat aritu da talde islamistaren ordezkari; batzuek zalantzan jarri dute, ordea, hark taldearekin izan dezakeen harremana.

Kamerunen ere gatazka

Boko Haramek hainbat eraso odoltsu egin ditu azken urtebetean, eta udaberriaz geroztik hedabide nagusietako tituluak bereganatu ditu, eskola bateko berrehun neska baino gehiago bahitu zituenez gero. Azken hilabeteotan gerra betean egon da Nigeriako armadarekin, eta gatazkak inguruko herrialdeei ere eragin die. Kamerunen sumatu dituzte, batez ere, haren ondorioak: hango Defentsa Ministerioak jakinarazi duenez, atzo liskarrak izan ziren Kamerungo armadaren eta miliziaren artean. Gutxienez zortzi soldadu eta 107 islamista hil zirela zabaldu dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna