Albistea entzun

Euskal Liburutegi Digitala abian jartzeko lankidetza hitzarmena sinatu dute

Jaurlaritzak eta Sancho el Sabio fundazioak izenpetu dute ituna. Lehen oinarrizko liburutegiak XX. eta XXI. mendeetako 3.000 liburu izango ditu

Erredakzioa -

2018ko martxoak 23 - Gasteiz

Eusko Jaurlaritzako Kultura eta Hizkuntza Politika Sailak eta Sancho el Sabio fundazioak lankidetza hitzarmen bat sinatu zuten atzo, «etorkizuneko Euskal Liburutegi Nazional Digitalaren oinarriak ezartzeko helburuz». Azaldu zuten itunak «lehendabiziko oinarrizko liburutegi digitala osatzea» ahalbidetuko duela, zeina XX. eta XXI. mendeetako 3.000 liburuz egongo den hornitua. Bingen Zupiria Kultura sailburuak eta Jon Urresti Vital fundazioaren presidenteak izenpetu zuten, Gasteizen. Bertan izan ziren Joxean Muñoz Kultura sailburuordea eta Jesus Zubiaga Sancho el Sabio fundazioko zuzendaria ere.

Gogora ekarri zuten egun martxan den eLiburutegia egitasmoak aukera ematen duela mundu osoko egileen 16.000 titulu kontsultatzeko, eta etorkizuneko Liburutegi Digitalak euskaraz argitaratutako edo euskarara itzulitako lanetan izango duela ardatza, baita euskal egileek edo euskal argitaletxeek argitaratutako lan guztietan ere. Proiektuak Eusko Jaurlaritzaren digitalizazioaren aldeko apustuan sakonduko du, sustatzaileek azaldu zutenez.

Zupiriaren hitzetan, egitasmoak «historiako euskal egileen lana eta pentsaera biltzeko» bokazioa du, eta hitzarmenak lan horri garai hurbilenetik heltzea ahalbidetuko die, XX. eta XXI. mendeetatik. Edonola, gehitu zuen liburutegiaren proiektua harago doala, eta ikus-entzunezko, margolaritzako zein musikagintzako ekoizpenak ere bildu nahi dituztela, baita denboran atzerago joan ere. Urrestiren hitzetan, euskal literatur lan garaikideetarako sarbide askea emateko xedea du egitasmoak, egile, edizio eta hedapen eskubideak errespetatuz, betiere.

Bi urteko iraupena

Akordioak bi urteko iraupena du, baina bi aldeen adostasunez luzatu ahalko da. Haren arabera, Jaurlaritzak gutxienez 100.000 euroko ekarpena egingo du urtero, eta bere gain hartuko ditu lanen aukeraketa prozesutik eratorritako gastuak ere. Halaber, Sancho el Sabio fundazioak 100.000 euro jarriko ditu urteko, gehienez.

Lehen bilduma osatzeko irizpideen artean daude, besteak beste, euskaraz zein gaztelaniaz idatzitako lanak hautatzea, emakumeek idatzitako lanek ordezkaritza egokia izatea eta literatur genero nahiz irakurleen adin segmentu guztietarako lanak egotea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zetak taldea, azkeneko Herri Urratsen ©Patxi Belzaitz

Zetak, Krav Boca, FM Belfast eta J Martina batu dira EHZ jaialdiaren programaziora

Mikel Lizarralde

Aurretik iragarritako artistez gain, honako hauek ere izango dira Euskal Herria Zuzenean festibalean: Billie Brelok, Daudane, François del Mundo, Ixabe, Nize, Ztah, DIA DJ's, Atzarbale, Sofa, Pisoo & OPH eta Estelle D. Modu horretan, itxita utzi dute ekainaren 30ean, uztailaren 1ean eta uztailaren 2an Irisarrin (Nafarroa Beherea) egingo den jaialdiaren egitaraua.

 ©JON URBE / FOKU

«Tokiko zinema bat pentsatzeak mesede egingo luke»

Andoni Imaz

Zinemaren industriatik aparte dabil Costa eroso, eta bide horren balioa defendatzen du, autore zinema «ustelaren» aurrean. Miresten dituen zinemagileak ekartzen ditu ahotara maiz: «Poesia galtzen ari da».
Mawenn zinema zuzendaria, duela bi aste, Cannesen. ©MOHAMMED BADRA / EFE
Josu Penades idazlea, atzo, Donostian, eleberria eskuetan duela. ©JON URBE / FOKU

Egarriak asetzeko hiru motibo

Naroa Torralba Rodriguez

Josu Penadesen 'Egarria' eleberria eman du Alberdaniak. Aita-seme batzuk ditu protagonista

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...