Albistea entzun

«Urrunago joan nahi duten» dantzariak elkartu nahi ditu Oldeak-ek

Baionan abiatu dute koreografia plataforma, instituzioen babesarekin. Bilaka koreografia zentroa eta Illicite konpainia ditu zutabe
<b>Oldeak-en aurkezpenean Fabio Lopez, Mathieu Vivier, Jean Rene Etxegarai eta Thierry Malandain.</b>
Oldeak-en aurkezpenean Fabio Lopez, Mathieu Vivier, Jean Rene Etxegarai eta Thierry Malandain. I. MIQUELESTORENA Tamaina handiagoan ikusi

Nora Arbelbide Lete -

2017ko ekainak 14 - Baiona

Leku iraunkor bat, instituzioen babesa eta dirutza bat profesionalizatzeko bidean. Horrela laburbildu daiteke Oldeak koreografia plataforma berria. Eta horren zutabe bi egitura. Batetik, Bilaka, Iparraldeko Dantzarien Biltzarreko (IDB) koreografia zentroa eta, bestetik, Fabio Lopez koreografo dantzariaren Illicite dantza konpainia. Lehena euskal dantzan sustraitua eta bestea dantza neoklasikoan.

«Urrunago joan nahi duten euskal dantzari eta musikariak elkartzea da ideia. Tokiko euskal dantza taldeetatik jalgiak edota kontserbatoriotik. Biltzea, bikaintasunaren bidean, exijentziaren bidean. Euskal sorkuntza eta euskal nortasunaren garapenaren alde. Eta gure lurraldearen erakargarritasunaren alde», horrela azaldu du asmoa plataforma proiektuaren eramaileetako bat den Mathieu Vivierrek. Bilaka-ko zuzendari artistikoa izendatua dute hiru urterako.

Leku iraunkorra, Baionako udalak prestatu dio. Mementoko Jules Ferry eskolako dantza estudioan du. Behin betiko gunea ez dute oraindik, baina Baionan segituko du. Gune horretan bi taldeak «coworking» baten gisa antolatuko direla laburbildu du Jean Rene Etxegarai Baionako auzapezak. Leku bakarra, elkarlana sustatzeko aitzakia ere badute. Lopezek dantza neoklasikoaz duen jakintzatik euskal dantzarekin bat eginez elkarrekin dantza emanaldi baten pentsatzen hasiak dira, hain zuzen. Kolaborazioak burutzea, hori bada Bilaka-ren xede nagusi bat. Judith Argomaniz eta Jon Maia koreografoekin ere eramatekoak ditu.

Instituzioen babesari dagokionez, Baionako udalaz gain, Malandain Ballet Biarritz dantza konpainia dago. Thierry Malandain koreografoa aita ponteko gisa aurkeztu du Lopezek. Bere konpainiatik iragana da. Malandain adiskide eta «maisua» du. Beste instituzio bat Maurice Ravel kontserbatorioa du plataformak. Bertan euskal dantza prestaketa bat eskaintzen dute, Zabala modulua izenekoa, Koldo Zabala gogoan. IDB eta Euskal Kultur Erakundearekin partaidetzan pentsatua da.

Oro har, «anbizioa» eta «bikaintasuna» dira errepikatu diren hitzak plataforma aurkezteko prentsaurrekoan. Roger Goienetxe Baionako Herriko Etxeko kultur zerbitzuko zuzendariaren hitzak ere bide beretik joan dira. Proiektuaren beste zutabeetako bat da Goienetxe. IDBko arduraduna ere izana da. Euskal dantza profesionalizazio bide batean jarri nahi du, eta, horretarako, «estatutu hori erdiesteko nahia erakusten duten goi mailako dantzariak behar dira». Frantziako Kultura ministerioa konbentzitu nahian dabil Goienetxe ere: «Euskal dantza konpainia profesional batek baduela zentzu», horretaz ohartarazi nahi du: «Hemen eta baita kanpoan ere euskal dantzaren hoberena hedatzeko, berriz interpretatzen den tradizio baten logikan».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maialen Lujanbiok idatzi du liburuko testua, eta Arrate Rodriguezek ondu ditu ilustrazioak. Irudian, bi egileak, atzo, Donostian. ©JAGOBA MANTEROLA / FOKU

Istorio bat zurezko kutxa batean

Miren Mujika Telleria

'Traste arrunten barruan zuk zer ikusten duzu?' album ilustratua argitaratu dute Maialen Lujanbiok eta Arrate Rodriguezek, Pamiela argitaletxeko Bagara sailean. Albumak Rosa Valverde artistaren lana ezagutaraztea du xede
Alena Baeva biolinista. ©ANDREJ GRILC

Beethovenen 'Bosgarren sinfonia' interpretatuko du Euskadiko Orkestrak

Erredakzioa

Dinis Sousak aurrenekoz zuzenduko du orkestra denboraldiko bosgarren programan. Hilaren 3tik 9ra izango dira kontzertuak
Joxean Fernandez, Maria Pilar Rodriguez, Isabel Herguera, Izaskun Arandia eta Bingen Zupiria, liburuaren aurkezpenean. ©Jagoba Manterola / Foku

'Euskal emakume zinemagileak' liburua plazaratu dute

Andoni Imaz

Euskal Herriko zinemagintzan «funtsezkoak» izan diren emakumezko zuzendariak ditu ardatz, eta Euskadiko Filmategiak eman du argitara. Maria Pilar Rodriguez ikertzaileak koordinatu du artikulu sorta.

Larunbatean hasiko da <em>Bizirik</em> lanaren aurkezpen bira, Donostiako Dabadaba aretoan. ©BENGO

Nork bere burua barkatu artean

Uxue Rey Gorraiz

Aitor Bengoetxea 'Bengo' musikariak lehenengo lan luzea eman du: 'Bizirik'. Zortzi kantu bildu ditu; hiru kolaborazio tartean. Larunbatean hasiko du kontzertu bira, Donostian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...