Albistea entzun

Kulunka konpainiaren 'Solitudes', Max sarietako antzerki lanik onena

Ertza talderentzat izan da kaleko ikuskizunik onenaren saria. Borja Ortiz de Gondrak irabazi du antzerkigilerik onenaren saria, 'Los Gondra'-rekin
Kulunka konpainiako kideak, astelehenean, antzerki lanik onenaren saria jaso zutenean.
Kulunka konpainiako kideak, astelehenean, antzerki lanik onenaren saria jaso zutenean. JOSÉ MANUEL VIDAL / EFE Tamaina handiagoan ikusi

Mikel Lizarralde -

2018ko ekainak 20

Iaz bezala, aurten ere euskal dantza eta antzerki konpainiak protagonista izan dira Max sarien banaketan, eta astelehen gauean Sevillan (Espainia) egindako ekitaldian hainbat sari eskuratu zituzten. Hernaniko Kulunka taldeak bi sari eskuratu zituen Solitudes obrari esker, antzerki ikuskizunik onenaren saria eta ikuskizun eszenikorako musika konposiziorik onenarena; eta Ertza taldeak, bestalde, kaleko ikuskizunik onenaren saria eskuratu zuen.

Solitudes Kulunka konpainiaren bigarren obra da —aurretik André eta Dorine estreinatu zuen—, eta aurrenekoa bezala, hitzik gabe eta maskarak erabilita dago antzeztua. Umorea erabiliz, bakardadearen eta familiakideen arteko komunikazioaz egiten du gogoeta, gauza xumeak besterik nahi ez dituen aitona baten ikuspegitik. Iñaki Rikartek zuzendu du Rikartek berak, Jose Daultek, Garbiñe Insaustik, Edu Carcamok eta Rolando San Martinek idatzitako istorioa, eta Daultek, Insaustik eta Carcamok egin dituzte aktore lanak.

Antzerki ikuskizunik onenarenaz gain, ikuskizun eszenikorako musika konposiziorik onenarena ere jaso du konpainiak, Luis Miguel Cobo konpositoreak hain zuzen ere.

Kaleko ikuskizunik onenaren saria, berriz, Asier Zabaletak gidatzen duen Ertza konpainiarentzat izan da, Meeting Point obragatik. Lan horrek bi gazte brasildarren historia kontatzen du, zeinak haur zirela heldu ziren Euskal Herrira, eta han ezagutu zuten Ertza konpainia. Ez da obra hau saritzen duten aurreneko aldia, Leioako Umore Azokan ere kaleko ikuskizunik onena izendatu baitzuten joan den urtean.

Borja Ortiz de Gondrak (Bilbo, 1965), bestalde, antzerkigilerik onenaren saria eskuratu du Los Gondra antzezlanarekin. Madrilgo Valle Inclan antzokian ikusi ahal izan da lana azken hilabete honetan.

Daniel Abreu garaile

Gainerako sariei dagokienez, garaile garbi bat izan da Max sarietan. Daniel Abreu dantzari eta koreografo kanariarrak hiru sari jaso zituen astelehen gaueko ekitaldian, hirurak La desnudez lanagatik: gizonezko dantza interpreterik onena, dantza ikuskizunik onena eta koreografiarik onena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Joey Jordison bateria jotzailea ©STEVE C. MITCHELL, EFE

Joey Jordison hil da, Slipknot taldeko bateria jotzaile ohia

Oihane Puertas Ramirez

Atzo hil zen, 46 urte zituela. Rob Zombie, Metallica eta Ministry taldeekin ere egin zuen lan Jordisonek.

Lena Lanskihren 'Nich'ya' filmeko irudi bat. ©Donostiako Zinemaldia

Hamabost herrialdetako hamahiru film, Zinemaldiko Zuzendari Berriak sailean

Andoni Imaz

Hautatutako filmetatik bostek hartu izan dute parte Donostiako Zinemaldiaren Industria ataleko programetan. Bederatzi debut eta lau bigarren lan dira; Silvina Schnicer eta Ulises Porra zuzendariak bigarren aldiz lehiatuko dira Zuzendari Berriak sailean, Tigre erakutsi zuten-eta 2017an.

Mintzolak EHUren udako ikastaroetan parte hartu izan du; irudian, aurten Donostian egindako bat. ©GORKA RUBIO / FOKU

Mintzolak amaitutzat eman du bidea

Berria

Patronatuko kideek aho batez erabaki dute fundazioa desegitea. Euskaltzaindiari proposatu diote lekukoa har dezala ahozkotasunaren ikerketan eta hedapenean. Bertsozaleen Elkartetik fisikoki banandua egongo da

 ©JAGOBA MANTEROLA / FOKU

«Gune hau aztarnategi osoaren garapenaren lekuko txiki bat da»

Ane Eslava

Zalduako aztarnategiko aurtengo indusketa kanpaina bukatu berri da. Termen eraikinean urtero egiten dituzten aurkikuntza txikiek balio dezakete erromatarrek Pirinioetan zer eragin izan zuten jakiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna